واکسیناتور - د واکسین تطبیقوونکی

د مؤسسې په اړه

د افغانستان د مور او ماشوم روغتیا مؤسسه د نړیوالې، غیرانتفاعي او نادولتي میریستوپس انترنشنل مؤسسې یوه څانګه ده. مرکزي دفتر یې د انګلستان په لندن کې دی او د افغانستان له حکومت سره د ۲۰۰۲ کال په اگست کې تر ثبتېدو وروسته یې په دې هېواد کې فعالیت پیل کړ. میریستوپس انترنشنل افغانستان د میریستوپس انترنشنل سیمه‌ییز ماموریت تعقیبوي: د افغان ښځو د روغتیا او هوساینې ښه کول، څو هغوی په خپل وار پیاوړې او سالمې کورنۍ جوړې کړي. زموږ لیدلوری دا دی چې داسې اداره واوسو چې افغان ښځې یې د ښځو له خوا ښځو ته د باکیفیته، مراجعینو محوره روغتیايي خدمتونو لپاره غوره کوي.

د عامې روغتیا وزارت په همغږۍ د افغانستان په 18 ولایتونو کې، لکه کابل، بلخ، هرات، جوزجان، فاریاب، ننګرهار، هلمند، کندهار، بغلان، کندز، بدخشان، تخار، سمنګان، کاپیسا، غور، بامیان  پکتیا او فراه، د مور او ماشوم روغتیا او د زیږون روغتیا د باکیفیته او پایښت لرونکو معلوماتو او خدمتونو په وړاندې کولو سره زموږ تمرکز د میندو د مړینې کمول دي. میریستوپس انترنشنل افغانستان په هېواد کې د مور او ماشوم او د زیږون روغتیا د رضاکارانه خدمتونو له اصلي وړاندې کوونکو څخه دی. زموږ موخه د روغتیايي مرکزونو، ګرځنده ډلو، ټولنیزې بازارموندنې او ښځو (متشبثو قابلو) له بېلابېلو لارو د مور او ماشوم او د زیږون د اساسي روغتیايي خدمتونو په وړاندې کولو سره د ښځو د روغتیا ښه کول دي. میریستوپس انترنشنل افغانستان د پالیسیو د جوړولو/بدلولو، پوهاوي ورکولو او روزنې د فعالیتونو له لارې د هغو ماهرو روغتیايي کارکوونکو د شمېر په زیاتولو کې هم مرسته کوي چې په ټول افغانستان کې باکیفیته خدمتونه وړاندې کولای شي.

د دندې لنډیز

د فریزر د تودوخې درجه د ورځې درې ځلې کتل او په ځانګړې فورمه کې یې ثبتول -

د فریزر د تودوخې درجه د ورځې درې ځلې کتل او په ځانګړې فورمه کې یې ثبتول -

د واکسین، عامې روغتیا، د زیږون روغتیا او د کورنۍ د پلان‌جوړونې په موضوعاتو پوره پوهه لرل -

له مراجعینو سره دوستانه چلند او سلوک -

د واکسین او نورو اړوندو وسایلو سمه زېرمه او ساتنه -

د سړې ځنځیرې ساتنه -

د ثابت مرکز او Out reach لپاره د کاري پلان چمتو کول -

د ماشومانو او میندو د دوراني واکسینونو سم او مسلکي تطبیق او د روغتیايي پیغامونو رسول -

د واکسین د فورمو، کتابونو او کارتونو سمه ډکونه -

د واکسین څانګې ټولو مراجعینو ته د کورنۍ تنظیم، د زیږون روغتیا او عمومي حفظ الصحې معلومات ورکول -

له ختمېدو مخکې د واکسین برابرول -

د CHW  د واکسین په غونډو کې ګډون او اسانتیا رامنځته کول -

د واکسین څانګې راپورونه پر وخت راټولول او یوځای کول او د کلینیک د مسؤول له لارې یې هره میاشت مرکزي دفتر او د واکسین ولایتي څارونکي ته لېږل -

د لارښوونو سره سم د انتاناتو د خپرېدو د مخنیوي لارې تعقیبول -

د ورکړل شوي مهال‌وېش له مخې ساحوي کار ترسره کول -

د واکسین په ملي ورځو کې فعال ګډون -

د میاشتني او کلني عملیاتي پلان چمتو کول -

د واکسیناسیون په ملي ورځو کې رضاکارانو ته روزنه ورکول -

د مؤسسې رازونه او اړوند محرم معلومات خوندي ساتل -

د ولایتي مسؤول او مرکزي دفتر له خوا سپارل شوې نورې دندې ترسره کول -

د نوماند مشخصات

نومانده باید ښځینه وي -

له معتبر روغتیايي بنسټ څخه د EPI د فراغت سند ولري -

کاري تجربه

د واکسین په برخه کې لږ تر لږه 6 میاشتې کاري تجربه ولري -

مهارتونه

موخو ته د رسېدو لپاره په کار او فعالیت کې نوښت او مخکښ توب -

د کاري لومړیتوبونو د پېژندلو وړتیا -

ښه افهام او تفهیم -

ارزښتونه

د نړیوالې میریستوپس مؤسسې موخو ته ژمنتیا -

د دفتر ګټو ته لومړیتوب ورکول -

د مؤسسې کاري پایلو او موخو ته پاملرنه -

په کار کې رښتینولي او پر ځان باور -

له لېوالو او وړ نوماندانو غوښتنه کېږي چې د لاندې لینک په کلیک کولو د MSIA د غوښتنلیک فورمه ډکه کړي او د خپل تازه CV کاپي (د تحصیلي او کاري سندونو پرته) د وروستۍ نېټې تر رسېدو مخکې وسپاري.

MSI Reproductive Choices Afghanistan ټولو کسانو ته د مساوي فرصتونو برابرولو او په ټولو کچو کې د تنوع پیاوړتیا ته ژمنه ده. زموږ د ګومارنې او ټاکنې بهیرونه د تبعیض ضد سختې پالیسۍ تابع دي. هر غوښتونکی به په عادلانه او مساوي ډول ارزول کېږي، او موږ د بېلابېلو شالیدونو کسان، لکه قومي، ټولنیز-اقتصادي، مذهبي، روغتیايي یا د معلولیت اړوند شالید لرونکي، غوښتنلیک ورکولو ته هڅوو.

مهرباني وکړئ خبر اوسئ چې MSI Afghanistan له غوښتونکو څخه د ګومارنې هېڅ فیس نه اخلي. یوازې له لنډ لېست شوو نوماندانو سره اړیکه نیول کېږي.