د برکلي پوهنتون او پاکارډ بنسټ د بشردوستانه فعالیتونو فیلوشیپ ۲۰۲۶

معرفي او موخه

د کالیفورنیا برکلي پوهنتون د هاس سوداګرۍ ښوونځي له لارې د «مدني ټولنې او مشرتابه» په برخه کې د بشردوستانه فعالیتونو (Philanthropy Fellow) لپاره وړ کسان جذبوي. دا یو بشپړ وخت مسلکي فرصت دی چې د هغو ځوانو مشرانو لپاره ډیزاین شوی چې د مدني ټولنې، غیر انتفاعي سازمانونو، ستراتیژیکو مرستو، ټولنیز اغیز، او نړیوالې پراختیا سره مینه لري. بریالي کاندیدان به د پاکارډ بنسټ له ټیم سره کار کوي او په ورته وخت کې به د برکلي پوهنتون له خوا مسلکي روزنه، لارښوونه او اکاډمیک ملاتړ ترلاسه کوي. دا دنده په کالیفورنیا کې میشته ده او په هایبرډ ډول (حضوري او آنلاین) ترسره کیږي.

د وړتیا شرایط

غوښتونکي باید په اړونده برخو کې تحصیلي شالید او مسلکي تجربه ولري. په تحقیق، ارزونه، د پروژې مدیریت او له ذینفعانو سره په اړیکو کې مهارت درلودل اړین دي. دا فرصت د هغو کسانو لپاره دی چې غواړي په عملي ډول د بشردوستانه ستراتیژیو په پلي کولو کې برخه واخلي. د یادونې وړ ده چې دا پروګرام د ویزې ملاتړ نه وړاندې کوي او غوښتونکي باید په امریکا کې د کار اجازه ولري. د غوښتنلیک لپاره CV او یو پیاوړی انګیزه لیک (Cover Letter) ته اړتیا ده.

ګټې

دې دندې لپاره کلنۍ معاش د ۷۸,۴۳۵ او ۹۰,۰۰۰ ډالرو ترمنځ ټاکل شوی دی. د معاش ترڅنګ، ګډونوالو ته مسلکي روزنه، د برکلي پوهنتون له شبکو څخه ګټه اخیستنه، او د مسلکي ودې لپاره ځانګړي فرصتونه ورکول کیږي. دا فیلوشیپ د نړیوالو سازمانونو او لویو خیریه بنسټونو سره د کار کولو لپاره یوه غوره پیلامه ده.

د غوښتنلیک نیټه

د غوښتنلیکونو سپارلو وروستۍ نیټه د ۲۰۲۶ کال د نومبر ۹مه (د ۱۴۰۵ کال د لړم ۱۹مه) ده. خو د اسنادو لومړنۍ ارزونه به د ۲۰۲۶ کال د سپټمبر په ۲۲مه پیل شي.

د نوم لیکنې لارښوونه

علاقمندان باید خپل اسناد د برکلي پوهنتون د استخدام آنلاین پورټال له لارې وسپاري. په انګیزه لیک کې باید ستاسو د رهبرۍ مهارتونه او د ټولنیز بدلون لپاره ستاسو لیدلوری په روښانه ډول بیان شي. د دندې پیژندګلوۍ شمیره ۸۸۶۵۸ او د حوالې شمیره ۵۲۵۷C ده.

Applicants are required to submit: A resume A cover letter