د معلوماتي ټکنالوژۍ لوړپوړی امنیتي افسر

موږ د یوه ډېر ماهر Senior IT Security Officer په لټه کې یو چې زموږ له ټیم سره یوځای شي او د سازمان د معلوماتي ټکنالوژۍ د زیربنا د ساتنې او امنیت څارنه وکړي. غوره نوماند به د معلوماتو د سرغړونو او سایبري بریدونو د مخنیوي، څارنې او ځواب ویلو هڅې رهبري کوي او ډاډمنوي چې د معلوماتو د امنیت لارښوونې او فعالیتونه د شرکت د ډاټا د امنیت له پالیسیو سره سم پلي کېږي.

وړتیاوې او مهارتونه

• د کمپیوټر ساینس، معلوماتي ټکنالوژۍ، سایبري امنیت یا اړونده برخه کې لیسانس.
• په لوړپوړي معلوماتي امنیتي رول کې ثابته تجربه، د معلوماتو د امنیت پروګرامونو او نوښتونو د پلي کولو، مدیریت او ښه کولو قوي سابقه.
• په IT، معلوماتي امنیت یا سایبري امنیت کې لږ تر لږه 2–4 کاله اړونده تجربه.
• د معلوماتي امنیت د اصولو، غوره کړنو او ټکنالوژیو ژوره پوهه، چې د شبکې امنیت، کوډګري، د هویت او لاسرسي مدیریت، د خطر مدیریت او امنیتي پېښو ته ځواب پکې شامل وي.
• غوره ارتباطي، رهبري او تحلیلي مهارتونه؛ له بېلابېلو ټیمونو سره اغېزمنه همکاري، غیرتخنیکي اړوندو خواوو ته د تخنیکي خطرونو توضیح او لوړ مدیریت ته د امنیتي چارو راپور ورکولو وړتیا.
• د ISO/IEC 27001، CompTIA Security +، CISSP، CISM سندونو لرونکو ته ډېره ترجیح ورکول کېږي.

شخصي ځانګړنې

• لوړ صداقت او د حساسو مالي سیستمونو د مدیریت وړتیا.
• د ستونزو د حل پیاوړي مهارتونه او تر فشار لاندې د کار وړتیا.
• د جزئیاتو پاملرنه او د مستندسازۍ او پلټنې لپاره پر چمتووالي ټینګار.

• د ټول سازمان لپاره امنیتي پالیسیانې، معیارونه او کړنلارې د صنعت له چوکاټونو او د سازمان له امنیتي پالیسیو سره سم طرحه، تازه او نافذول.
• د سایبري امنیت د پوهاوي پروګرامونه همغږي کول، کارکوونکو ته د سایبري امنیت غوره کړنې او د ګواښونو پېژندل روزل، او د امنیتي مقرراتو او معیارونو رعایت ډاډمنول.
• د هراړخیزو امنیتي ارزونو او د مقرراتو د مراعات د پلټنو څارنه، څو زیان‌مننې له مخکې وپېژندل شي او امنیتي ښه‌والی وړاندیز شي.
• د زیان‌مننو منظمې ارزونې، امنیتي پلټنې او د خطر تحلیل ترسره کول څو تشې وموندل شي او د خطر د کمولو اغېزمنې تګلارې پلې شي.
• د امنیتي پېښو مناسب مدیریت او د اړتیا پر مهال عدلي-تخنیکي څېړنې یقیني کول.
• له بېلابېلو څانګو سره همکاري ساتل څو راپیدا کېدونکې امنیتي اندېښنې په منظم ډول حل او غوره امنیتي کړنې پلې شي.
• د امنیتي سرغړونو، سایبري بریدونو یا د سیستم د غیرعادي حالتونو د کشف، څېړنې او ځواب هڅې رهبري کول.
• د سازمان د عمومي امنیتي وضعیت د پیاوړتیا لپاره ستراتیژیکې لارښوونې او سپارښتنې وړاندې کول.
• د اوسنیو امنیتي رجحاناتو، پرمختللو ګواښونو او نوې ټکنالوژۍ هراړخیزه پوهه ساتل، څو احتمالي سیستمي خطرونه له مخکې کم شي.
• د امنیتي پېښو د ځواب پلانونه او کړنلارې جوړول او ساتل.
• د امنیت متخصصانو ټیم رهبري او روزنه، څو امنیتي نوښتونه اغېزمن پلي شي.
• له لوړ مدیریت، حقوقي ټیمونو او بهرنیو پلټونکو سره د تخنیکي ارتباط استازیتوب، څو له مقرراتو او د معلوماتو د محرمیت له شرایطو سره سمون یقیني شي.
• د صنعت له مقرراتو، معیارونو او غوره کړنو سره د سمون ډاډ ترلاسه کول.
• د امنیتي سیستمونو څارنه او ساتنه، په شمول د firewalls، SIEM پلاتفورمونو او د پای‌ټکي ساتنې وسایلو.

علاقه‌مند او وړ نوماندان دې خپل CV او پوښښ لیک (په PDF بڼه) [email protected] ته واستوي. مهرباني وکړئ د ایمیل په موضوع کې «Senior IT Security Officer» ولیکئ. یوازې له لنډ نوملړ شوو نوماندانو سره به د مرکې لپاره اړیکه ونیول شي.