د ستراتیژۍ عمومي مدیر

د دندې موخه: د ادارې د ستراتیژۍ او پلانونو د چمتو کولو، پلي کولو، څارنې او ارزونې د بهیر مدیریت او نظارت، څو ستراتیژیکې موخې ترلاسه شي.

د ګومارنې شرایط

• د افغانستان تابعیت ولري.
• عمر یې له (18) کلونو کم او له (64) کلونو ډېر نه وي.

د زده‌کړو کچه: لږ تر لږه د لیسانس سند په لاندې څانګو کې: (عمومي مدیریت، دولتي مدیریت "اداره او عامه پالیسي"، دولتي مدیریت "اداره او عامه پالیسي") له کورني یا بهرني پوهنتون څخه؛ په یادو برخو کې د معتبر تحصیلي بنسټ له خوا تایید شوي لوړ سندونه امتیاز لري. کاري تجربه: لږ تر لږه یو کال اړونده تجربه.

اړین مهارتونه

• د ستراتیژیک پلان جوړونې په مفاهیمو او وسایلو بشپړ تسلط.
• د چاپېریال تحلیل، د شاخصونو جوړولو او ستراتیژیکو اسنادو د تنظیم توان.
• د تحلیل او اسنادو جوړولو سافټویرونو مهارت.
• د ټیم رهبري، اغېزمنې اړیکې او د مستندو تحلیلي راپورونو د وړاندې کولو وړتیا.
• د هېواد له یوې رسمي ژبې سره بلدتیا او په انګلیسي کې بنسټیز مهارت.

دندې او مسئولیتونه

الف) اساسي مسئولیتونه

• د اړوندو بنسټونو په ګډون د ادارې د ستراتیژۍ د جوړولو بهیر او جوړښت تنظیم او مدیریت؛ ستراتیژیک پلان، تطبیقي پلان، منطقي چوکاټ او نور لارښوونکي اسناد شامل دي.
• د تخنیکي او مسلکي زده‌کړو په برخه کې د ادارې د داخلي او بهرني وضعیت هر اړخیز تحلیل، څو ستراتیژیک لومړیتوبونه، فرصتونه، ننګونې او ګواښونه معلوم شي.
• له ریاستونو او ولایتي واحدونو سره په همغږۍ د پرمختیايي منطقي چوکاټ جوړول (عمومي هدف، مشخصې موخې، پایلې، فعالیتونه، شاخصونه او سرچینې).
• د ستراتیژیو د تطبیق د کچې، د موخو او پایلو ترمنځ د توپیر په اړه تحلیلي راپورونه چمتو کول او د ستراتیژۍ، تقنین او پالیسۍ آمر ته مشخص وړاندیزونه ورکول.
• د عیني شاخصونو، مهال‌وېشونو او د شواهدو پر بنسټ د تحلیل وسایلو له لارې د ستراتیژۍ تطبیق څارل او ارزول.
• د ټاکلو دورو په اوږدو کې یا د هېواد د سیاسي، اقتصادي او تعلیمي وضعیت د بدلون په صورت کې د ستراتیژیو د تازه کولو او بیاکتنې همغږي او څارنه.
• د ستراتیژیو د جوړولو او تطبیق پړاوونه مستندول او د رسمي غونډو لپاره ډیجیټل معلوماتي بانک رامنځته کول.
• اړوندو واحدونو ته مشورتي غونډې او تخنیکي ارزونې وړاندې کول، څو د ادارې د ستراتیژیکو موخو د تطبیق په برخه کې پوهه او همغږي لوړه شي.
• ستراتیژي اغېزمنوونکي اجرایي خطرونه (د سرچینو کمښت، اداري ظرفیت او چاپېریالي بدلونونه) پېژندل او اړوند آمر ته راپور ورکول.

ب) مدیریتي دندې

• د ریاست له پلان سره سم د ټاکلو موخو د ترلاسه کولو لپاره میاشتنی، ربع‌وار او کلنی کاري پلان جوړول.
• د څانګې د فعالیتونو او لاسته راوړنو میاشتني، ربع‌وار، کلني او د اړتیا وړ راپورونه اړوند آمر ته وړاندې کول.
• د ادارې د موخو او پالیسۍ مطابق د اړوند آمر له خوا د بست په تړاو نورې سپارل شوې دندې ترسره کول.
• تر لاس لاندې کارکوونکو ته لومړني مهارتونه لېږدول، څو په اړونده برخه کې ښه کار وکړي.

ج) د همغږۍ دندې

• د اړوندو مدیریتونو، معاونیتونو او همکارو بنسټونو سره همغږي، څو د ادارې ستراتیژي په ګډه تطبیق شي.
• د کاري کمېټو په غونډو کې ګډون او د ادارې د پالیسیو او اړوندو اسنادو په چمتو کولو او تنظیم کې مرسته.

لېواله او وړ نوماندان کولای شي د یاد بست غوښتنلیک فورمه ښکته کړي او تر دقیق ډکولو وروسته د خپلو تحصیلي اسنادو او کاري تجربې له ثبوت سره یوځای د ۱۴۰۵/۷/۲۹ نېټې پورې په آنلاین بڼه دې ایمیل ته واستوي: [email protected]؛ یا یې په حضوري ډول د تخنیکي او مسلکي زده‌کړو ادارې د کارکوونکو چارو ریاست د استخدام آمریت ته وسپاري.