د ښوونیزو څانګو د تحلیل او ارزونې مسلکي غړی

د دندې موخه: د کار بازار اړتیاوو، د کیفیت د تضمین معیارونو او اړوندو اسنادو ته په کتو د ښوونیزو څانګو د جوړولو، پراختیا او بیاکتنې په اړه تخنیکي څېړنې او شننې ترسره کول.

د استخدام شرایط

• د افغانستان تابعیت ولري.
• عمر یې له (18) کلونو کم او له (64) کلونو زیات نه وي.

تحصیلي کچه: لږ تر لږه د لیسانس سند د عامه ادارې، ادارې او سوداګرۍ، ښوونیز مدیریت، اقتصاد، ادارې او مدیریت، عامه پالیسۍ، عمومي مدیریت یا دولتي مدیریت په یوه څانګه کې ولري، چې د هېواد له دننه یا بهر پوهنتونونو ترلاسه شوی وي. په یادو څانګو کې د لوړو تحصیلي سندونو لرونکو ته، چې د اړوندو تحصیلي بنسټونو له خوا تایید شوي وي، لومړیتوب ورکول کېږي. کاري تجربه: اړتیا نشته.

اړین مهارتونه

• د تخنیکي او مسلکي زده‌کړو له مقرراتو او پالیسیو سره آشنایي.
• د معلوماتو د شننې او تخنیکي راپورونو د چمتو کولو وړتیا.
• د معلوماتو د راټولولو، تنظیمولو او ارزولو مهارت.
• د هېواد په یوې رسمي ژبې (فارسي یا پښتو) بشپړ تسلط.
• د بست اړوند کمپیوټري پروګرامونو مهارت.
• له اړوندو څانګو سره د اغېزمنې اړیکې او همغږۍ وړتیا.

دندې او مسوولیتونه

الف) اساسي دندې

• د موجودو ښوونیزو څانګو تحلیل او ارزونه او د کار بازار له اړتیاوو، د هېواد له پراختیايي پروګرامونو او د ادارې له موخو سره د هغوی د سمون کچه معلومول.
• د اړتیاوو د ارزونې راپورونه، د کار بازار څېړنې او نور اړوند اسناد مطالعه او ارزول، چې د څېړنې او نوښت ریاست له خوا وړاندې کېږي.
• د ښوونیزو څانګو د جوړولو، پراختیا، تعدیل، لېږد، یوځای کولو او لغوه کولو په اړه تخنیکي نظرونه او مسلکي وړاندیزونه چمتو کول.
• د ښوونیزو څانګو اړوند معلومات راټولول، تنظیمول او تحلیلول، څو مدیریت غوره پرېکړې وکړای شي.
• د څانګو د پراختیا په برخه کې د معیارونو، لارښودونو، کړنلارو او میکانیزمونو په جوړولو، بیاکتنې او پراختیا کې همکاري.
• د ښوونیزو څانګو د جوړېدو او پراختیا په وړاندیزونو کې د کیفیت د تضمین د معیارونو د مراعات ارزونه.
• د ښوونیزو څانګو د وضعیت په اړه تحلیلي، تخنیکي او پرتلیز راپورونه چمتو کول او اړوند عمومي مدیر ته وړاندې کول.
• د جوړو شوو، تعدیل شوو، لېږدول شوو او لغوه شوو ښوونیزو څانګو د معلوماتو ډیټابېس تنظیمول.
• د څانګو د جوړولو، تعدیل، لېږد او لغوه کولو غوښتنلیکونه ارزول او اړوند مدیریت ته لازم تحلیلونه وړاندې کول.
• د تخنیکي او مسلکي زده‌کړو د څانګو د پراختیا بریالۍ تجربې مطالعه کول او د هغو د کارولو لپاره لازم وړاندیزونه وړاندې کول.
• د څانګو د پراختیا په ټولو اړوندو فعالیتونو کې د نافذه مقرراتو، لوایحو، کړنلارو او لارښودونو د رعایت ډاډ ترلاسه کول.

ب) مدیریتي دندې

• د ریاست له پلان سره سم میاشتنی، ربع‌وار او کلنی کاري پلان جوړول، څو ټاکل شوې موخې ترلاسه شي.
• اړوند عمومي مدیر ته د څانګې د فعالیتونو او لاسته راوړنو میاشتني، ربع‌وار، کلني او د اړتیا پر مهال راپورونه وړاندې کول.
• د ادارې له موخو او پالیسیو سره سم د اړوند عمومي مدیر له خوا د بست په چوکاټ کې سپارل شوې نورې اړوندې دندې ترسره کول.

ج) د همغږۍ دندې

• د معلوماتو د راټولولو او تبادلې لپاره د څېړنې او نوښت ریاست، د کیفیت د تضمین ریاست، ښوونیزو چارو او نورو اړوندو څانګو سره همغږي.
• د ښوونیزو څانګو د تحلیل او ارزونې لپاره د اړتیا وړ معلوماتو د راټولولو په موخه له ښوونیزو مرکزونو او د تخنیکي او مسلکي زده‌کړو له بنسټونو سره همغږي.
• د ښوونیزو څانګو د پراختیا د فعالیتونو د ښه تنظیم لپاره له اړوندو څانګو سره اغېزمنې اړیکې او همغږي ټینګول.
• د همغږۍ په غونډو کې ګډون او د ښوونیزو څانګو په اړه اړین معلومات او راپورونه وړاندې کول.

لېوال او وړ کسان کولی شي د یاد بست د غوښتنلیک فورمه ښکته کړي، په دقت یې ډکه کړي او د خپلو تحصیلي سندونو او کاري تجربې له اسنادو سره یو ځای تر ۱۴۰۵/۷/۲۹ نېټې پورې د ایمیل [email protected] له لارې په انلاین ډول، یا په حضوري ډول د تخنیکي او مسلکي زده‌کړو ادارې د کارکوونکو چارو ریاست د استخدام آمریت ته وسپاري.