د ډیزاین انجنیر

د اوبو رسولو د پروژو د سروې شویو شمېرو او معلوماتو تحلیل او د سروې پر بنسټ د اوبو رسولو د شبکو غوره طرحه او ډیزاین، د انجنیري نورمونو او معیارونو او د ادارې له پلان او پروګرام سره سم، څو اداره خپلې له مخکې ټاکلې موخې او ستراتیژیک هدفونه ترلاسه کړي.

د استخدام شرایط

• د اړوندې انجنیري څانګې لږ تر لږه د لیسانس سند لرل، چې د هېواد له کورنیو یا بهرنیو لوړو زده‌کړو بنسټونو څخه وي او د لوړو زده‌کړو وزارت تایید کړی وي.

کاري تجربه

• لږ تر لږه ۳ کاله کاري تجربه.

اړین مهارتونه

• د اړوندې برخې د تګلارې (پالیسۍ) د پلي کولو وړتیا.
• په یوې رسمي ملي ژبې (پښتو یا فارسي) او انګلیسي ژبه تسلط.
• په دندې پورې اړوندو کمپیوټري پروګرامونو کې مهارتونه.
• Auto CAD, GIS, Water Gems, Water cad, Micro soft office (Excel, World, ), civil 3D, EPANET.

اساسي دندې او مسؤولیتونه

• د اوبو رسولو د شبکې ماډل جوړول او د GIS، Water Gems، Water cad او EPANET پروګرامونو له لارې د شبکې ارزونه او تحلیل.
• د اوبو رسولو د هغو پروژو ډیزاین چې تر اوسه د ښاري اوبو رسولو او فاضله اوبو دولتي شرکت په ښاري او نیمه ښاري مرکزونو کې نه دي پلې کړې.
• د پروژو ډیزاین او لومړنۍ څېړنې، چې پکې د اوبو د تصفیې او پاکولو تاسیسات، د پمپ سټېشنونه، د اوبو د انتقال پایپونه، د اوبو د وېش سیستمونه، د اوبو زېرمو ډیزاین، اداري ودانۍ، ګدامونه او ښاري اوبو رسولو شبکې شاملې دي.
• د کار حجم اټکل او د پروژو د لګښت محاسبه، د تخنیکي مشخصاتو او تخنیکي نقشو ترتیب.
• په ښاري او نیمه ښاري سیمو کې د اوبو رسولو د پروژو پر تطبیق څارنه، د پلي کولو پر مهال د ستونزو حل او د ساحې له شرایطو سره سم د ډیزاین بدلونونه.
• د دولتي ښاري اوبو رسولو او فاضله اوبو شرکت لپاره د پانګونې پروګرامونو په جوړولو کې مستقیم رول، څو د اوبو رسولو سیستمونه وغځول او پراخ شي؛ اړین تدابیر، لومړنۍ طرحې، انجنیري ډیزاینونه او تخنیکي مشخصات هم پکې شامل دي.
• د ډیزاینر له خوا د چمتو شوو انجنیري ډیزاینونو، لګښتونو د اټکل او داوطلبۍ د اسنادو مفصله بیاکتنه او سپارښتنې او نظرونه وړاندې کول.

مدیریتي دندې

• د شرکت د پروژو د همغږۍ آمریت د ټاکلو موخو د ترلاسه کولو لپاره د میاشتني، ربع‌وار او کلني کاري پلان جوړول.
• د اړوندې څانګې د فعالیتونو او لاسته راوړنو میاشتني، ربع‌وار، کلني او د اړتیا پر مهال راپورونه وړاندې کول څو د ادارې مشرتابه خبر وي.
• د صلاحیت لرونکو چارواکو له خوا د قوانینو، مقرراتو او اداري موخو مطابق نورې سپارل شوې دندې ترسره کول.

د همغږۍ دندې

• له زونونو سره د اسنادو د راټولولو لپاره اړیکه او همغږي، د ډیزاین، نقشې جوړونې، د کاري حجم د بیل او د اوبو رسولو پروژو د ښه تطبیق لپاره اړینو اسنادو د برابرولو په موخه.
• د اوبو رسولو د پروژو د سمون او بیاکتنې لپاره له ریاستونو او دویمي واحدونو سره اړیکه او همغږي.

د دندو لپاره د غوښتنلیک سپارلو لارښوونې. خپل CV او پوښښ لیک د بست د اعلان له پای نېټې مخکې لاندې ایمیل پتې ته واستوئ. د ایمیل په موضوع کې د بست شمېره ولیکئ؛ که نه غوښتنلیک مو نه منل کېږي. یادونه: د پای نېټې وروسته ترلاسه شوی CV نه ارزول کېږي. یوازې له هغو لنډلړ شوو نوماندانو سره، چې غوښتنلیکونه یې له پورته معیارونو سره برابر وي، د لیکلې ازموینې او مرکې لپاره اړیکه نیول کېږي.

د بست لپاره د غوښتنلیک لارښود

لېوال نوماندان کولی شي خپل CV له غوښتنلیک لیک سره یوځای او د اعلان شوې دندې اړوندې وړتیاوې په ګوته کولو سره لاندې برېښنالیک ته واستوي. یادونه: له اعلان شوې مودې وروسته CV نه منل کېږي. د غوښتنلیک په عنوان کې باید د بست نوم او د بست کود شمېره ولیکل شي. یوازې وړ نوماندان لیکلې ازموینې او مرکې ته بلل کېږي. یادونه: هغه نوماندان چې د اعلان موده یې له لاسه ورکړې، کولی شي د خپلې لېوالتیا له مخې تر درې نورو ورځو پورې خپل CV په حضوري توګه د کارکوونکو چارو څانګې ته وسپاري.