په غزني ولایت کې اداري همکار

د بست دنده په لنډ ډول

د جدي مراقبت (ICU) د څانګې د دفتر اړوند ټول اداري فعالیتونه باید د ادارې له پالیسۍ، کاري کړنلارو او د پروژې له مقرراتو سره سم ترسره شي. پدې فعالیتونو کې د رسمي لیکنو چمتو کول، د غونډو همغږي، د کارکوونکو د حاضرۍ څارل، د اسنادو ترتیب او دوسیه بندي شامل دي؛ خو د دې بست چارې یوازې تر دغو مواردو نه محدودېږي.

د دندې د ترلاسه کولو اړین شرطونه او وړتیاوې

• د افغانستان تابعیت درلودل.
• د لېسانس مدرک او لږ تر لږه دوه کاله اړونده کاري تجربه؛ یا د فوق بکلوریا/۱۴ پاس سند او لږ تر لږه څلور کاله اړونده کاري تجربه.
• د کمپیوټر او معلوماتي ټکنالوژۍ په لومړنیو کارونو پوهېدل، په ځانګړي ډول Microsoft Word، Excel، PowerPoint، انټرنېټ او برېښنالیک.
• د اغېزمنې خبرې اترې او متقابل پوهاوي ښه وړتیا.
• لوړه اخلاقي رویه او مسلکي شخصیت.

په فارسي، پښتو او انګلیسي ژبو د لیکلو، لوستلو او خبرې کولو غوره وړتیا.

د بست دندې او مسؤلیتونه

• د جدي مراقبت د څانګې له ټولو دفتري فعالیتونو سره مرسته؛ د لیکونو برابرول، د دفتر سمبالښت او ساتنه، د اداري اړتیاوو پوره کول او د کارکوونکو د ترانسپورټ همغږي.
• د څانګې د رسمي مکتوبونو او نورو لیکنیو اړیکو څارنه او تعقیب.
• د دفتر لپاره د وسایلو او تجهیزاتو د پېرلو په بهیر کې له رهبرۍ ټیم سره همکاري.
• د جدي مراقبت څانګې غونډې او سیمینارونه برابرول او د غونډو لپاره د اړتیا وړ توکي چمتو کول.
• د دفتر د خوندي ساتلو، پاکوالي او نظم په چارو کې مرسته.
• د مسؤل له لوري سپارل شوې ټولې نورې اداري چارې تعقیبول.
• د څانګې د ټولو اداري اسنادو طبقه بندي، ثبت او منظم ساتل.
• د اړتیا په وخت کې د څانګې د فعالیتونو اوونیز، میاشتني، درې میاشتني او کلني راپورونه جوړول.
• د ټولو طبي او غیرطبي وسایلو د ترلاسه کولو، ثبتولو او وېش مسؤلیت په غاړه اخیستل.
• د جدي مراقبت د څانګې د مسؤل په لارښوونه د تنظیفي موادو او نورو اداري توکو د غوښتنلیکونو برابرول؛ همدارنګه د اخیستل شوو توکو د ساتلو، زېرمه کولو، تنظیم او د موجودۍ د کره لېست د ساتنې ډاډ.
• د څانګې د موجودۍ لېست (Inventory List) پر وخت تازه کول.
• د اړتیا پر مهال په اداري او تدارکاتي فعالیتونو کې له مرکزي دفتر سره همغږي او همکاري.
• د محرمیت مراعاتول او د اسنادو د خوندي پاتې کېدو یقیني کول.
• هغه نورې اړوندې دندې ترسره کول چې مستقیم آمر یې سپاري.
• د اداري همکار راپور ورکول د جدي مراقبت څانګې مسؤل ته.

.

قدرمنو غوښتونکو، خپل CV لاندې ښودل شوې برېښنالیک پتې ته ولېږئ. که وغواړئ، د CV چاپي کاپي هم د عامې روغتیا وزارت د کارکوونکو چارو ریاست د اعلانونو او کارموندنې عمومي مدیریت ته سپارلی شئ.