د کان استخراج د پروژې مدیر

د دندې لنډیز

د پروان ولایت د غوربند په دره کې د مازانه د جست کان د استخراج د پروژې مدیر، د کان په ساحه کې د پروژې د ټولو فعالیتونو د عمومي مدیریت، رهبرۍ، همغږۍ او هر اړخیزې څارنې مسئول دی او ډاډ ترلاسه کوي چې ټول فعالیتونه د پلي کېدونکو تخنیکي او بودجوي پلانونو له مخې، د خوندیتوب او چاپېریال ساتنې معیارونو او د هېواد د نورو نافذه قوانینو په پام کې نیولو سره ترسره کېږي.

د دې بست مسئول باید لږ تر لږه د کانونو په انجنیري یا ساختماني انجنیري کې د لیسانس سند ولري. د بست مسئول باید لږ تر لږه 5 کاله د ساحې د لومړۍ درجې مسئول په توګه کاري تجربه ولري. د پروژې مدیریت یا کانونو مدیریت کې د ماسترۍ سند، یا د PMP او PRINCE ll تصدیق‌لیک درلودل امتیاز ګڼل کېږي.

• د کاري ټیمونو د رهبرۍ او مدیریت ښه وړتیاوې.
• د پلان جوړونې او پروژې مدیریت عالي مهارتونه.
• تر فشار لاندې د ستونزو د حل او پرېکړې کولو پیاوړي مهارتونه.
• د Microsoft Office په ګډون د کمپیوټري پروګرامونو د کارولو مهارتونه.
• د کانونو له تخصصي کمپیوټري پروګرامونو سره بلدتیا یو امتیاز دی.
• د هېواد په ملي ژبو د اړیکو او موضوعاتو د وړاندې کولو مهارتونه.

د پروان ولایت د مازانه کان د استخراج د پروژې مدیر په ځانګړي ډول لاندې مسئولیتونه لري: 1- د پروژې د لنډمهاله، منځمهاله او اوږدمهاله کاري او عملیاتي پلانونو او پروګرامونو برابرول، تنظیمول او پلي کول، څو د پروژې ټول کاري حدود د اړوندو تخنیکي اسنادو له مخې پکې شامل وي. 2- په ساحه کې د مازانه کان د استخراج د پروژې د ټولو عملیاتي فعالیتونو عمومي رهبري، مدیریت او څارنه، او د بودجې، مهال‌وېش او کاري حدودو له مخې د کار د پرمختګ ډاډ ترلاسه کول. 3- ډاډ ترلاسه کول چې د استخراج عملیات د تخنیکي ډیزاینونو، د کان د پلان او مسلکي معیارونو سره سم ترسره کېږي. 4- د استخراج، جیولوجۍ، انجنیرۍ، لوژستیک، بشري سرچینو، مالي چارو او نورو ټولو اړوندو برخو د فعالیتونو مدیریت او همغږي، څو پروژه اغېزمنه او ګټوره پلې شي. 5- د پروژې د تجهیزاتو، ماشینونو، موادو او ځانګړو شوو سرچینو د اغېزمنې، ګټورې او اقتصادي کارونې څارنه. 6- د روغتیا، خوندیتوب، چاپېریال ساتنې او نورو کان‌کیندنې مقرراتو او د پروژې قراردادونو د شرطونو منظم او اغېزمن پلي کول. 7- د پروژې د بودجې مدیریت، د لګښتونو کنټرول او د ضایعاتو او غیرضروري لګښتونو د مخنیوي تدابیر نیول. 8- د پروژې د عملیاتي، تخنیکي، مدیریتي او امنیتي خطرونو پېژندنه، ارزونه او مدیریت؛ همدارنګه د کار د پرمختګ ورځني، اوونیز او میاشتني راپورونه د ستونزو او لاسته راوړنو په ګډون د راپور ورکولو له میکانیزمونو سره سم چمتو کول. 9- د امارتي مرکزي او ولایتي چارواکو، سیمه‌ییزو رسمي او غیررسمي شوراګانو او جوړښتونو، قراردادیانو او د پروژې نورو اړوندو لورو سره په غونډو کې د پروژې استازیتوب کول. 10- د پروژې د کارکوونکو او کارګرانو عمومي مدیریت، د هغوی د کړنو ارزونه او د ظرفیتونو لوړول، د پروژې د قراردادونو مدیریت او د قراردادیانو او خدماتو وړاندې کوونکو د فعالیتونو څارنه. 11- د سپارل شوو صلاحیتونو په چوکاټ کې د پروژې د فعالیتونو د پرمخ‌بیولو لپاره اړینې اجرایي پرېکړې کول. 12- د شرکت د رهبرۍ او مرکزي دفتر له خوا د نورو اړوندو سپارل شوو دندو ترسره کول.

مهرباني وکړئ خپل CV د غوښتنلیک سپارلو لپاره ورکړل شوي برېښنالیک ته پورته/واستوئ. یوازې له لنډ لېست شوو نوماندانو سره به اړیکه ونیول شي.