د اوبو او روغتیا ساتنې ساحوي آفسر (کندهار)

د ادارې په اړه

د افغانستان سره میاشت ټولنه چې په 1934 کال کې جوړه شوې، یوه خپلواکه بشردوستانه اداره ده چې د افغانستان حکومت د خیریه او بې‌طرفه ادارې په توګه په رسمیت پېژندلې. افغان سره میاشت د رضاکارانه خدمتونو او بشري مرستو په وړاندې کولو کې مهم رول لري. د قانون او اساسنامې له مخې، خپل فعالیتونه د اوو اصولو، بشردوستۍ، بې‌طرفۍ، خپلواکۍ، رضاکارانه خدمت، یووالي، نړیوالتوب او ناپیلتوب پر بنسټ ترسره کوي. ملي ټولنه له زیانمنو ټولنو سره مرسته کوي، بېړنۍ سرپناه برابروي او زیانمنو کسانو ته مرستندویه توکي وېشي. سره میاشت د 7 ساحوي زونونو او 34 ولایتي نمایندګیو شبکه او له 20000 څخه زیات روزل شوي کارکوونکي او رضاکاران لري چې له ملي او نړیوالو ادارو سره د هېواد د بشري ستونزو کمولو لپاره کار کوي. په تېرو لسیزو کې یې خپله بې‌طرفي ساتلې او داسې ټولنیز باور یې ترلاسه کړی چې ټیمونه یې د جګړې د کرښو دواړو خواوو او د وسله‌والو مخالفو ډلو تر کنټرول لاندې پراخو سیمو کې هم اصولي بشردوستانه فعالیتونه ترسره کولای شي. د سره صلیب او سرې میاشتې نړیوال فدراسیون (IFRC)، د سره صلیب نړیواله کمېټه (ICRC) او نور شریکان یې ملاتړ کوي.

د دندې لنډیز

د اوبو او روغتیا ساتنې ساحوي آفسر بنسټیزه دنده د افغان سرې میاشتې ټولنې د اوبو او روغتیا ساتنې (WASH) پروژو او فعالیتونو په پلان جوړونه، همغږۍ، تطبیق، ساحوي څارنه او ارزونه، تخنیکي ملاتړ او راپور ورکولو کې د اوبو او روغتیا ساتنې آمریت سره همکاري ده.

دا مسؤول د WASH پروژو د اړتیاوو ارزونه، پلان جوړونه، ساحوي سروې، د فعالیتونو د پلي کېدو تعقیب، د پرمختګ او کیفیت ارزونه او د تخنیکي او عملیاتي ستونزو تشخیص او حل کې ونډه اخلي. د پروژو د تطبیق پر مهال د منظور شوو پلانونو، تخنیکي معیارونو، مشخصاتو او اړوندو لارښودونو د مراعت لپاره له ساحوي ټیمونو سره نږدې کار او تخنیکي ملاتړ کوي.

دا بست د اوبو او روغتیا ساتنې آمریت تر چتر لاندې د زونونو په کچه د WASH پروژو د پرمختګ، ساحوي موندنو، تخنیکي موضوعاتو او اړتیاوو ثبت او راپور، د اسنادو ارزونه، ساحوي ستونزو ته د مناسبې حللارې وړاندیز او د پروژې د کیفیت او اغېزمنتیا د لوړولو چارې ترسره کوي. همدارنګه له اړوندو ادارو، قراردادیانو، همکارو موسسو، ساحوي ټیمونو، رضاکارانو او د غورځنګ له شریکانو سره د WASH د ښه تطبیق او همغږۍ لپاره اړیکې ساتي.

دندې او مسؤولیتونه

بنسټیز مسؤولیتونه

• د افغان سرې میاشتې د WASH پروګرامونو په پلان جوړونه، پلي کولو، همغږۍ، څارنه او ارزونه کې فعاله ونډه.
• د سره صلیب نړیوالې کمېټې، د سره صلیب او سرې میاشتې نړیوال فدراسیون، د نړیوال غورځنګ نورو غړو، ملي ټولنو، همکارو ادارو او اړوندو دولتي بنسټونو سره د WASH چارو د ښه تطبیق لپاره اړیکې او همغږي.
• د WASH پروژو د تخنیکي سروې، ډیزاین، محاسبو، نقشو، احجامو بیلونو، لګښت اټکل او تخنیکي مشخصاتو په برابرولو کې ونډه.
• د منظور شوو پروژو، پلانونو، بودیجو او پروګرامي هوکړو له مخې د WASH فعالیتونه تعقیبول او تخنیکي ملاتړ.
• د WASH پروژو کیفیت، پرمختګ او د منظور شوو تخنیکي معیارونو او د پروګرام شرایط څارل.
• د WASH پروژو تخنیکي او پروګرامي معلومات، راپورونه او اسناد برابر او اداره کول.
• په بېړنیو حالاتو کې د WASH د چټکې سروې، پلان، ارزونې، تطبیق او همغږۍ برخه کې ونډه.
• د WASH آمریت په لارښوونه په نورو چارو کې فعاله ونډه.

1. د اړتیاوو ارزونه او ساحوي سروې

• د WASH پروژو لپاره د ټولنو، ښوونځیو او روغتیايي مرکزونو د اړتیاوو په ارزونه او ساحوي سروې کې ګډون.
• د اوبو سرچینو د ظرفیت، کیفیت، موسمي وضعیت او د دوامدارې استفادې معلومات راټولول او ارزول.
• د شته WASH تاسیساتو، نفوس، د اوبو اړتیاوو او اړوندو ټولنیزو او چاپېریالي شرایطو معلومات راټولول.
• د اوبو رسولو او حفظ‌الصحې ستونزې، تشې او لومړیتوبونه پېژندل او مستندول.
• په سروې کې د ډیزاین لپاره توپوګرافیک، هایدرولیک، هایدروجیولوژیکي او نور تخنیکي معلومات راټول او تحلیلول.

2. طرح، ډیزاین او تخنیکي اسناد

• د جاذبې او لمریزې اوبو رسولو سیستمونو، د اوبو زېرمو، وېش او اړوندو WASH تاسیساتو د طرح او ډیزاین لپاره له WASH ډیزاین انجنیر سره همکاري.
• د ساحوي معلوماتو له مخې نقشې، تخنیکي محاسبې، احجامو بیلونه، د لګښت اټکل او مشخصات برابرول، ارزول او د اړتیا پر مهال بشپړول.
• د WASH ډیزاین انجنیر ډیزاینونه، احجامو بیلونه، تخنیکي مشخصات او اسناد د ساحوي معلوماتو سره پرتله کول.
• د پروژې په تطبیق کې د ساحوي شرایطو بدلون او تخنیکي ستونزې راپورول او د ډیزاین په تعدیل کې مرسته.
• د WASH پروژو تخنیکي اسناد راټولول، تنظیم او آرشیف کې همکاري.

3. د پروګرام پلان جوړونه او تطبیق

• د WASH پروژو کاري پلانونه جوړول او د منظور شوو پلانونو له مخې د فعالیتونو تطبیق تعقیبول.
• د پروژو د پلي کولو تخنیکي، بشري، لوژستیکي او عملیاتي اړتیاوې معلومول او تعقیبول.
• د وخت، کیفیت، سرچینو او پروګرامي موخو په پام کې نیولو سره د WASH د فعالیتونو پرمختګ، لاسته راوړنې، ستونزې او اړتیاوې منظم تعقیبول.
• د پروژو پر مهال له ساحوي ټیمونو، قراردادیانو، شریکانو او تخنیکي کارکوونکو سره نږدې کار.
• په بېړنیو حالاتو کې د WASH چټکې سروې، پلان جوړونې، پلي کولو او همغږۍ برخه کې ګډون.

4. ساحوي څارنه، کیفیت او ارزونه

• د WASH پروژو او فعالیتونو منظمې ساحوي لیدنې او پرمختګ څارنه.
• د ساختماني او غیرساختماني WASH فعالیتونو کیفیت، پرمختګ او د منظور شوو پلانونو، ډیزاینونو، مشخصاتو او معیارونو مراعت څارل.
• د ساحې تخنیکي ستونزې، نیمګړتیاوې او د منظور شوي ډیزاین او ساحوي وضعیت توپیرونه معلومول او راپورول.
• د ساختماني موادو، تجهیزاتو او ترسره شوي کار د کیفیت ازموینې، تصدیقونه او تخنیکي اسناد تعقیبول.
• ساحوي موندنې، انځورونه، اندازې، پرمختګونه او ستونزې ثبت او د اصلاح سپارښتنې وړاندې کول.
• د اړتیا پر مهال د پروژو موقتي او وروستي سپارلو په بهیر کې ګډون.

5. همغږي، استازیتوب او راپور ورکول

• د سره صلیب نړیوالې کمېټې، د سره صلیب او سرې میاشتې نړیوال فدراسیون، د نړیوال غورځنګ نورو غړو، ملي ټولنو، همکارو موسسو، قراردادیانو او ادارو سره د WASH په اړه منظمه همغږي.
• د اړتیا پر مهال په تخنیکي غونډو، WASH کلستر، کاري ډلو او اړوندو فورمونو کې د افغان سرې میاشتې استازیتوب.
• د WASH د فعالیتونو د تطبیق لپاره د سرې میاشتې له اړوندو څانګو او ساحوي ټیمونو سره همغږي.
• د WASH د شاخصونو، لاسته راوړنو، فزیکي پرمختګ، تخنیکي وضعیت او ګټه‌اخیستونکو معلومات منظم ثبت او تازه ساتل.
• د پروژو تخنیکي، پروګرامي او عملیاتي معلومات د WASH آمریت سره شریکول.
• په میاشتنیو، درې‌میاشتنیو او کلنیو پلانونو او راپورونو کې فعاله ونډه.
• زده شوي درسونه، بریالۍ تجربې، ننګونې او د پروژو د ښه والي موارد مستندول.

6. روزنه او ظرفیت لوړونه

• د WASH ساحوي کارکوونکو، رضاکارانو او د ټولنې استازو د ظرفیت لوړونې پروګرامونو کې ونډه.
• د خوندي او ټولشموله WASH، حفظ‌الصحې پوهاوي او اړوندو موضوعاتو د روزنې په تنظیم او تطبیق کې همکاري.
• د ساحوي لیدنو پر مهال اړینې عملي لارښوونې او تخنیکي ملاتړ.
• د WASH د ټیم د تخنیکي او پروګرامي وړتیا لوړونې روزنیزې اړتیاوې پېژندل.

7. بېړنی چمتووالی او ځواب

• په بېړنیو حالاتو کې د WASH د اړتیاوو چټکه ارزونه، سکوپینګ او لومړنۍ سروې.
• د بېړني WASH لپاره تخنیکي طرحې، لومړني ډیزاینونه، احجامو بیلونه او اړین اسناد ژر برابرول.
• د WASH بېړنیو موادو، تجهیزاتو او کیټونو اړتیا، تدارک، مخکې ځای پر ځای کول او وېش همغږي.
• د سېلابونو، وچکالۍ، زلزلو، بې‌ځایه کېدو او نورو بېړنیو پېښو پر مهال د WASH د ځواب پلان جوړونه او تطبیق.
• د بېړنیو WASH فعالیتونو د پرمختګ او اړتیاوو پر وخت معلومات او راپورونه.

• زده‌کړې

په سیول انجینرۍ، اوبو رسولو انجینرۍ، د اوبو سرچینو او چاپېریال ساتنې انجینرۍ یا اړوندې انجینرۍ برخه کې لږ تر لږه لېسانس؛ د ماسټرۍ سند لرونکو ته لومړیتوب.

اړوندې مسلکي روزنې او اضافي زده‌کړې یوه ګټه ده.

• کاري تجربه

د WASH پروګرامونو په پلان، تطبیق او څارنه کې لږ تر لږه ۵ کاله اړونده کاري تجربه.

• تخنیکي پوهه او مهارتونه

د WASH پروژو د تخنیکي، ټولنیزې او هایدروجیولوژیکي سروې ښه پوهه.

د WASH تخنیکي اسنادو، نقشو او ډیزاینونو د چمتو کولو او ارزونې وړتیا.

د AutoCAD، Civil 3D، GIS، WaterGEMS او نورو ورته تخنیکي سافټویرونو د کارولو وړتیا.

د GPS، لیول ماشین، Total Station او نورو سروې وسایلو د کارولو او د ساحوي معلوماتو د راټولولو وړتیا.

د هایدروجیولوژیکي سروې، د څاه موقعیت ټاکلو، تخنیکي راپور او د پمپ د ازموینې د راپور د ارزونې بنسټیزه پوهه.

د اوبو د کیفیت، د اوبو د تصفیې د بنسټیزو بهیرونو او د اوبو د خوندیتوب اصولو پوهه.

د WASH د کیفیت کنټرول، د موادو د کیفیت ارزونې او ساحوي تخنیکي څارنې تجربه.

د WASH ملي معیارونو، تخنیکي لارښودونو او Sphere او WHO/UNICEF په څېر نړیوالو معیارونو سره بلدتیا.

د WASH په طرح او تطبیق کې د جنسیت، شمولیت، خوندیتوب، ځوابګویۍ، ټولنې ګډون او د زیانمنو ډلو اړتیاوو د یوځای کولو پوهه.

د سېلابونو، وچکالۍ، زلزلو، بې‌ځایه کېدو او نورو بېړنیو حالاتو پر مهال د WASH ځواب د پلان او تطبیق پوهه.

• مدیریتي او رهبري وړتیاوې

د تخنیکي ټیمونو د لارښوونې، څارنې او ظرفیت لوړونې وړتیا.

ساحوي او ولایتي WASH کارکوونکو ته د تخنیکي لارښوونې وړتیا.

له بېلابېلو ټیمونو سره د اغېزمن کار، همغږۍ او ستونزو د حل وړتیا.

خپلواک کار، لومړیتوب ټاکنه او پر وخت د دندو بشپړول.

د تخنیکي ستونزو د تحلیل، حللارو موندلو او پرېکړو لپاره د مسلکي سپارښتنو وړتیا.

• ژبنۍ وړتیاوې

په پښتو، دري او انګلیسي کې د خبرو، لیکلو او مسلکي اړیکو ښه وړتیا.

په انګلیسي کې د تخنیکي راپورونو، وړاندیزونو، ایمیلونو او نورو مسلکي اسنادو لیکل او د تخنیکي غونډو تعقیبول.

• شخصي وړتیاوې او مسلکي چلند

پیاوړې تحلیلي او د ستونزو د حل وړتیا.

دقت، مسلکي رښتینولي او د تخنیکي کیفیت مراعت.

تر فشار لاندې او بېړنیو حالاتو کې د کار وړتیا.

ټیمي کار، اغېزمنې اړیکې او بین‌الاداري همکاري.

اړوندو ساحوي سیمو ته د سفر او کار چمتووالی.

د دې بست د نوم‌لیکنې لپاره خپل ټول تحصیلي او کاري اسناد په یوه PDF کې (سي‌وي، تحصیلي سند، د کاري تجربې سند او تذکره) یوځای کړئ او لاندې برېښنالیک ته یې واستوئ.

یادونه: د برېښنالیک له لارې د اسنادو د لېږلو پر مهال د بست عنوان او کوډ لیکل حتمي دي؛ نیمګړي اسناد نه منل کېږي.

د اړیکې شمېره: 0701436832