د سیستمونو د پراختیا آمریت

د ادارې په اړه

د امارتي شرکتونو لوی ریاست د افغانستان د کرنیزو، صنعتي او اقتصادي سکتورونو د ودې او غوړېدا لپاره رامنځته شوی دی. دغه سکتور د کاري فرصتونو په رامنځته کولو کې مهم او څرګند رول لري او د هېواد د ملي بودیجې په تمویل کې ارزښتناکه ونډه اخلي. د افغانستان اسلامي امارت د هېواد د اقتصادي زیربناوو پراختیا او پیاوړتیا ته په پام د امارتي شرکتونو د بیا رغونې، لوړونې او هر اړخیز ملاتړ پرېکړه کړې ده. عالیقدر امیرالمؤمنین حفظه‌الله د دې سکتور اقتصادي ارزښت ته په پام د امارتي شرکتونو د هر اړخیز پرمختګ لپاره د (۸) شمېرې فرمان د ۲۲/۲/۱۴۴۶ په نېټه صادر کړی دی. د دغه فرمان له مخې د امارتي شرکتونو د لوی ریاست جوړېدل منظور شول او هغه رهبري هیأت چې پخوا د (۲۱) شمېرې فرمان له مخې ټاکل شوی و، د څارنې هیأت هم وټاکل شو. د امارتي شرکتونو لوی ریاست د موخو د تعقیب او کارونو د چټکتیا لپاره د شته کارکوونکو او سرچینو په وسیله کار پیل کړ او په لنډه موده کې یې ټول فعال امارتي شرکتونه تر یوه اداري چتر لاندې راټول کړل.

د دندې لنډیز

دندې او مسؤولیتونه:

بنسټیزې دندې:

1.د لوی ریاست د معلوماتي سیستمونو جوړول، پرمختګ، مستندول او مدیریت؛

2.د لوی ریاست د ډیټابېسونو طرح، جوړول او مدیریت؛

3.د لوی ریاست د شته سیستمونو تحلیل، امنیت تأمینول او نیمګړتیاوې اصلاح کول؛

4.اړوند ریاست ته د معلوماتي سیستمونو د جوړولو او پرمختګ په برخه کې مسلکي مشورې ورکول؛

5.د سیستمونو په هاست/ډیپلوی کولو کې همکاري؛

6.د سیستمونو اړتیاوې او اړوند اسناد تحلیل او تأییدول؛

7.د اسنادو او معلوماتو محرمیت ساتل.

مدیریتي دندې:

8.د اړوند ریاست د پلان مطابق د ټاکلو موخو لپاره میاشتني، درې‌میاشتني او کلني کاري پلانونه برابرول؛

9.تر لاس لاندې کارکوونکو ته اړینې مشورې ورکول او د هغوی د فعالیت څارنه؛

10.تر لاس لاندې کارکوونکو ته د ورکشاپونو، سیمینارونو او د کار پر مهال روزنو له لارې مسلکي مهارتونه لېږدول؛

11.د اړتیا پر مهال د اړوندو برخو د فعالیتونو او لاسته راوړنو میاشتني، درې‌میاشتني او کلني راپورونه ورکول؛

12.د تر لاس لاندې کارکوونکو ارزونه، د روزنیزو اړتیاوو ټاکنه او د هغوی د ظرفیت لوړول؛

13.د اړوندې ادارې له اصولو، مقرراتو او موخو سره سم د واک لرونکو چارواکو له خوا نورې سپارل شوې دندې ترسره کول.

د همغږۍ دندې:

14. د اړوند ریاست د موخو د تطبیق لپاره د لوی ریاست له داخلي واحدونو، امارتي شرکتونو او نورو اړوندو ادارو سره اغېزمنې اړیکې جوړول.

د ګومارنې شرایط

• د افغانستان تابعیت ولري؛

• عمر یې له (18) کلونو کم او له (64) کلونو زیات نه وي.

د زده‌کړو کچه

د کورنیو یا بهرنیو تحصیلي بنسټونو څخه د کمپیوټر ساینس یا نورو اړوندو برخو لږ تر لږه د لېسانس سند.

کاري تجربه

د لېسانس لپاره لږ تر لږه څلور کاله، د ماسټرۍ لپاره دوه کاله او د دوکتورا لپاره یو کال اړونده تجربه.

اړین مهارتونه

• د اړوندې څانګې د تګلارې د پلي کولو وړتیا؛

• په رسمي ملي ژبو (پښتو یا دري) کې په یوه او انګلیسي ژبه تسلط؛

• د معلوماتي سیستمونو په طرح، جوړولو او پراختیا کې مهارت.

وړ نوماندان کولای شي د غوښتنلیک فورمه له لاندې لینک څخه ترلاسه کړي او له ډکولو وروسته یې د سي‌وي (CV) سره یوځای یاد شوي برېښنالیک ته واستوي.

https://drive.google.com/file/d/1mG5ZcSrjP_tyRgaYrGlxFiPwEF1kwY-Z/view?usp=drivesdk

[email protected]

یادونه: د غوښتنلیک فورمې او CV لېږل حتمي دي. د بست شمېره او نوم هم د برېښنالیک په عنوان (Subject line) کې ولیکئ؛ که نه، غوښتنلیک به مو ونه ارزول شي.

مهرباني وکړئ اضافي اسناد مه استوئ.