د شبکې د امنیت مدیر

د ادارې په اړه

د امارتي شرکتونو لوی ریاست د افغانستان د کرنیزو، صنعتي او اقتصادي سکتورونو د ودې او غوړېدا لپاره رامنځته شوی دی. دغه سکتور د کاري فرصتونو په رامنځته کولو کې مهم او څرګند رول لري او د هېواد د ملي بودیجې په تمویل کې ارزښتناکه ونډه اخلي. د افغانستان اسلامي امارت د هېواد د اقتصادي زیربناوو پراختیا او پیاوړتیا ته په پام د امارتي شرکتونو د بیا رغونې، لوړونې او هر اړخیز ملاتړ پرېکړه کړې ده. عالیقدر امیرالمؤمنین حفظه‌الله د دې سکتور اقتصادي ارزښت ته په پام د امارتي شرکتونو د هر اړخیز پرمختګ لپاره د (۸) شمېرې فرمان د ۲۲/۲/۱۴۴۶ په نېټه صادر کړی دی. د دغه فرمان له مخې د امارتي شرکتونو د لوی ریاست جوړېدل منظور شول او هغه رهبري هیأت چې پخوا د (۲۱) شمېرې فرمان له مخې ټاکل شوی و، د څارنې هیأت هم وټاکل شو. د امارتي شرکتونو لوی ریاست د موخو د تعقیب او کارونو د چټکتیا لپاره د شته کارکوونکو او سرچینو په وسیله کار پیل کړ او په لنډه موده کې یې ټول فعال امارتي شرکتونه تر یوه اداري چتر لاندې راټول کړل.

د دندې لنډیز

دا بست د امارتي شرکتونو د لوی ریاست د شبکې او معلوماتي سیستمونو د مدیریت، څارنې او امنیت تأمین مسؤول دی. د بست کارکوونکی د شبکې د امنیتي تګلارو د جوړولو او پلي کولو، د ASA او Sophos فایروالونو د مدیریت او کنټرول، د شبکې او سیستمونو د دوامدارې څارنې او د SNMP، PRTG او SIEM وسیلو په وسیله د Logs د تحلیل مسؤول دی. سربېره پر دې، د احتیاطي نسخو (Backup) جوړول او مدیریت، د Active Directory او د کاروونکو د حسابونو اداره، د Server Room د تجهیزاتو د خوندیتوب او احتمالي زیان یا سوځېدو د مخنیوي تدابیر او د اسنادو او معلوماتو د محرمیت ساتنه د دې بست بنسټیز مسؤولیتونه دي.

بنسټیزې دندې:

1.د شبکې د ښه مدیریت او کنټرول لپاره د شبکې امنیتي تګلارې جوړول او پلي کول؛

2.د امنیت د تأمین، د ترافیک اغېزمن مدیریت او د غیرمجاز لاسرسي مخنیوي لپاره د ASA او Sophos فایروالونو مدیریت او کنټرول؛

3.د شبکې او سیستمونو دوامداره څارنه، د SNMP، PRTG او SIEM له لارې د Logs راټولول او د شبکې تفصیلي راپورونه چمتو کول؛

4.د شبکې د دوامدار فعالیت د ډاډمنولو لپاره احتیاطي نسخې (Back Up) جوړول؛

5.د امارتي شرکتونو د لوی ریاست د کاروونکو د ښه کنټرول لپاره Active Directory مدیریت؛

6.د Server Room تجهیزاتو د خوندیتوب او احتمالي زیان یا سوځېدو د مخنیوي لپاره اړین تدابیر نیول؛

7.د اسنادو او معلوماتو محرمیت ساتل.

مدیریتي دندې:

1.د اړوند ریاست له پلان سره سم د موخو د ترلاسه کولو لپاره میاشتني، درې‌میاشتني او کلني کاري پلانونه برابرول؛

2.د اړتیا پر مهال د اړوندو برخو د فعالیتونو او لاسته راوړنو میاشتني، درې‌میاشتني او کلني راپورونه ورکول؛

3.د اړوندې ادارې د اصولو، مقرراتو او موخو له مخې د واک لرونکو چارواکو نورې سپارل شوې دندې ترسره کول.

د همغږۍ دندې:

4. د اړوند آمر په همغږۍ له اړوندو څانګو سره اغېزمنې اړیکې جوړول.

د ګومارنې شرایط

• د افغانستان تابعیت ولري؛

• عمر یې له (18) کلونو کم او له (64) کلونو زیات نه وي.

د زده‌کړو کچه

د کمپیوټر ساینس (معلوماتي ټکنالوژۍ یا نورو اړوندو برخو) لږ تر لږه د لېسانس سند او د Security +,CCNA,MCSE تصدیق‌لیکونه.

کاري تجربه

د لېسانس لپاره لږ تر لږه درې کاله او د ماسټرۍ لپاره یو کال اړونده تجربه.

اړین مهارتونه

• د اړوندې څانګې د تګلارې د پلي کولو وړتیا؛

• په یوه رسمي ملي ژبه (پښتو یا دري) او انګلیسي تسلط؛

• په دندې پورې اړوندو کمپیوټري پروګرامونو کې مهارت.

وړ نوماندان کولای شي د غوښتنلیک فورمه له لاندې لینک څخه ترلاسه کړي او له ډکولو وروسته یې د سي‌وي (CV) سره یوځای یاد شوي برېښنالیک ته واستوي.

https://drive.google.com/file/d/1mG5ZcSrjP_tyRgaYrGlxFiPwEF1kwY-Z/view?usp=drivesdk

[email protected]

یادونه: د غوښتنلیک فورمې او CV لېږل حتمي دي. د بست شمېره او نوم هم د برېښنالیک په عنوان (Subject line) کې ولیکئ؛ که نه، غوښتنلیک به مو ونه ارزول شي.

مهرباني وکړئ اضافي اسناد مه استوئ.