د شبکې د ساتنې او مراقبت مدیر

د ادارې په اړه

د امارتي شرکتونو لوی ریاست د افغانستان د کرنیزو، صنعتي او اقتصادي سکتورونو د ودې او غوړېدا په موخه جوړ شوی دی. دغه سکتور د کاري فرصتونو په رامنځته کولو کې مهم رول لوبوي او د هېواد د ملي بودیجې په تمویل کې ارزښتناکه ونډه لري. د افغانستان اسلامي امارت د اقتصادي بنسټونو د پراختیا او پیاوړتیا لپاره د امارتي شرکتونو د بیا رغونې، لوړونې او هر اړخیز ملاتړ پرېکړه کړې ده. عاليقدر امیرالمؤمنین حفظه‌الله د دې سکتور اقتصادي ارزښت ته په کتو، د امارتي شرکتونو د هر اړخیز پرمختګ لپاره د (۸) شمېرې فرمان د ۲۲/۲/۱۴۴۶ په نېټه صادر کړ. د دغه فرمان له مخې، د امارتي شرکتونو د لوی ریاست جوړېدل منظور شول او هغه رهبري هیأت چې مخکې د (۲۱) شمېرې فرمان له مخې ټاکل شوی و، د څارنې هیأت هم وټاکل شو. د امارتي شرکتونو لوی ریاست د موخو د تعقیب او فعالیتونو د چټکولو لپاره د شته کارکوونکو او سرچینو په مټ کار پیل کړی او په لنډه موده کې یې ټول فعال امارتي شرکتونه تر یوه اداري چتر لاندې منظم کړي دي.

د دندې لنډیز

دندې او مسؤولیتونه:

بنسټیزې دندې:

1.د شبکې ټول کاروونکي له Domain Controller سرور سره نښلول او اړوندې تخنیکي لارښوونې ورکول؛

2.د امارتي شرکتونو په مرکزي ریاست کې د شبکې تګلارې پلي کول؛

3.د سویچونو ساتنه، مراقبت او پرله‌پسې کتنه، څو فعال پاتې شي؛

4.د شبکې د کاروونکو تخنیکي ستونزې حل کول؛

5.د شبکې اړتیاوې معلومول او نیمګړتیاوې یې لرې کول؛

6.د Active Dirctory مدیریت او ساتنه، د کاروونکو حسابونو، ګروپونو او د تګلارو د جوړولو او بدلولو په ګډون؛

مدیریتي دندې:

7.د ټاکلو موخو د ترلاسه کولو لپاره د اړوند ریاست له پلان سره سم میاشتني، درې‌میاشتني او کلني کاري پلانونه جوړول؛

8.د ورکشاپونو، سیمینارونو او د کار پر مهال روزنو له لارې تر لاس لاندې کارکوونکو ته مسلکي مهارتونه لېږدول؛

9.د اړتیا پر مهال د اړوندو برخو د فعالیتونو او لاسته راوړنو میاشتني، درې‌میاشتني او کلني راپورونه وړاندې کول؛

10.د تر لاس لاندې کارکوونکو ارزونه، د روزنیزو اړتیاوو ټاکنه او د هغوی د ظرفیت لوړول؛

11.د اړوندې ادارې د اصولو، مقرراتو او موخو له مخې د واک لرونکو چارواکو نورې سپارل شوې دندې ترسره کول؛

د همغږۍ دندې:

12.د اړوند آمر په همغږۍ د آمریت د موخو د پلي کولو لپاره له اړوندو څانګو، امارتي شرکتونو او نورو اړوندو ادارو سره اغېزمنې اړیکې جوړول.

د ګومارنې شرایط

• د افغانستان تابعیت ولري؛

• عمر یې له (18) کلونو کم او له (64) کلونو زیات نه وي.

د زده‌کړو کچه

د هېواد دننه یا بهر له تحصیلي بنسټونو څخه د کمپیوټر ساینس په اړوندو څانګو کې لږ تر لږه د لېسانس سند لرل.

کاري تجربه

د لېسانس لپاره لږ تر لږه درې کاله، د ماسټرۍ لپاره یو کال او یو کال د دندې اړونده تجربه.

اړین مهارتونه

• د اړوندې څانګې د پالیسۍ د پلي کولو وړتیا؛

• د رسمي ملي ژبو (پښتو یا دري) په یوه تسلط؛

• له دندې سره په اړوندو کمپیوټري پروګرامونو کې مهارت.

وړ کسان کولای شي د غوښتنلیک فورمه له لاندې لینک څخه ترلاسه او تر ډکولو وروسته یې له CV سره یوځای یاد شوي برېښنالیک ته ولېږي.

https://drive.google.com/file/d/1mG5ZcSrjP_tyRgaYrGlxFiPwEF1kwY-Z/view?usp=drivesdk

[email protected]

یادونه: د غوښتنلیک فورمې او CV استول حتمي دي. همدارنګه د بست شمېره او عنوان د برېښنالیک په عنوان (Subject line) کې ولیکئ؛ که نه غوښتنلیک به ونه ارزول شي.

مهرباني وکړئ اضافي اسناد مه استوئ.