د قانون د رعایت او اطاعت لوړپوړی مدیر

د ادارې په اړه

د افغانستان بانک د وزیرانو شورا د 152 شمېرې او 3/2/1318 نېټې پرېکړې، د ملي شورا د 11 شمېرې او 19/6/1318 نېټې تصویب، د مشرانو جرګې د 12/6/1318 تاریخي پرېکړې او د شاهي حضور د 5280/1317 منظورۍ چې نېټه یې 17/11/1318 وه، له مخې د یو سل او شل میلیونه افغانیو په لومړنۍ پانګه د هېواد په پلازمېنه کابل کې پرانیستل شو. بانک واک درلود چې د هېواد دننه او بهر خپلې څانګې او استازولۍ پرانیزي او سکتوري بانکونه وټاکي. د افغانستان بانکي سیسټم په 1312 هجري لمریز کال کې د افغان ملي بانک له جوړېدو سره پیل شو، او د افغانستان بانک له جوړېدو مخکې د دولتي بانکدارۍ چارې افغان ملي بانک پرمخ وړلې. د افغانستان بانک له جوړېدو وروسته د دولتي بانکدارۍ مسؤلیتونه، د افغاني پیسو چاپ او خپرول هم، دې بانک ته ولېږدول شول. د افغانستان بانک د دولت د بانکدار او سوداګریز بانک په توګه د افغاني پیسو په چاپ او خپرولو او د بانکي نظام په پرمختګ کې مهم بدلونونه او لاسته‌راوړنې لرلې. د بانک فعالیتونه په دوو پړاوونو وېشل کېږي: په لومړي پړاو کې له 1318 تر 1380 کال پورې بانک د بازار اړتیا سره سم د افغاني پیسو د چاپ، سکې وهلو او خپرولو، د پیسو د ارزښت ساتلو او دولتي بانکدارۍ د چارو مسؤل و. د دې تر څنګ یې د نورو سوداګریزو بانکونو په څېر د سپما، جاري او میعادي حسابونو پرانیستل، د پانګونې د پیاوړتیا پورونه او په سوداګریزو برخو کې نور پورونه ورکول. دویم پړاو په 1381 کال پیل شو. د افغانستان د اساسي قانون له تصویب وروسته د دې قانون د دولسمې مادې پر بنسټ مرکزي بانک د خپلواک بانک په توګه ثبت شو او د ورکړل شویو واکونو په مرسته یې په بېلابېلو برخو کې د پام وړ لاسته‌راوړنې درلودې. د نویو بانکي او مالي قوانینو له مخې د افغانستان بانک خپلې ټولې سوداګریزې چارې دولتي او خصوصي بانکونو ته وسپارلې او د بانکونو او مالي مؤسسو د جواز ورکولو او څارنې مسؤلیت یې واخیست. د افغانستان بانک د قانون له مخې د بیو ثبات د بانک لومړنۍ او اساسي موخه ده. د دې لپاره د پولي او ارزي سیاستونو جوړول، پلي کول او غوره کول، د اسعارو ترتیبات، د بانکنوټونو چاپ او سکې وهل د مرکزي بانک دندې وټاکل شوې. بانک همدارنګه د قانون له مخې د دولت د بانکدار او مالي استازي په توګه، د بانکونو، صرافانو، د پولي خدمتونو وړاندې کوونکو او تضمیني اسنادو د جواز د صدور او ثبت مرجع او د خوندي او سالم تادیاتي سیسټم د چلولو مسؤلیت لري.

د دندې لنډیز

د دندې نوم: د قانون د رعایت او اطاعت لوړپوړی مدیر

آمریت: د خطر مدیریت او د قانون رعایت عمومي آمریت

درجه: نهمه (۹)

د بستونو شمېر: یو (۱)

د پیل نېټه: ۰۵/۰۷/۱۴۰۵

د پای نېټه: ۱۹/۰۷/۱۴۰۵

د اعلان ډول: داخلي او بهرنی

د ګومارنې ډول: دایمي

دندې او مسؤلیتونه

• د کارکوونکو او څانګې د چارو مدیریت، څارنه، کنټرول او ارزونه ترڅو د کار د ښه کولو، اغېزمنتیا او حاصل‌ورکولو لپاره انګېزه رامنځته شي، د روزنې اړتیاوې وپېژندل شي او ظرفیتونه لوړ شي.
• د پالیسیو، مقرراتو، طرزالعملونو، لایحو، روڼو او حساب‌ورکوونکو معیاري سیسټمونو په طرحه او پراختیا کې همکاري، د ستراتیژیکو او کاري پلانونو ترتیب او پلي کول، او د تطبیق څرنګوالي څارل.
• د مشتریانو د معاملاتو پر مهال د آمریت د طرزالعملونو او د ملي او نړیوالو بندیزونو د لېستونو تطبیق یقیني کول.

· د اړوندو معاملاتو په اړه د ځوابي مکاتباتو کره‌والی یقیني کول.

• د پیسو مینځلو او له جرمونو ترلاسه شویو عوایدو سره د مبارزې د قانون، مقرراتو او لارښوونو په رڼا کې د افغانستان بانک د معاملاتو له ملي او نړیوالو بندیز لېستونو او د خطر مدیریت او قانون د رعایت له پالیسیو سره سمون یقیني کول.
• د مشتریانو د ورځنیو معاملاتو د طی مراحل مدیریت په تر ټولو لنډ وخت کې.
• د مشتریانو د معاملاتو لومړنی تحلیل او ارزونه او د پیسو مینځلو او له جرمونو د عوایدو د مخنیوي له قانون او اړوندو مقرراتو سره سمون یقیني کول.
• د معاملاتو د اسنادو او معلوماتو بشپړوالی او د اړوندو بندیز لېستونو تطبیق یقیني کول، چې راتلونکې او تلونکې نړیوالې پولي لېږدونې، د مرکز چکونه، زونونه او د ولایتونو مستوفیتونه، د اسعارو د لیلام ګډونوال، تدارکاتي پروژې، اعتبارلیکونه، بانکي ضمانت‌لیکونه او د افغانستان بانک صادر شوي جوازونه رانغاړي.
• له اړوندو آمریتونو سره د سوداګریزو بانکونو د معاملاتو په تطبیق، د شکمنو معاملاتو په پېژندلو او راپورولو کې همغږي او همکاري، ترڅو د پیسو مینځلو او د ترهګرۍ د تمویل پر ضد مبارزه پیاوړې شي.
• د نړیوالو بنسټونو د وړاندیزونو او عملي پلانونو پلي کول، د افغانستان بانک د پیسو مینځلو او ترهګرۍ د تمویل پر ضد د اقداماتو د کره‌والي او اغېزمنتیا او د خطر مدیریت په برخه کې.
• د شکمنو معاملاتو لومړنی تحلیل او آمریت ته جامع راپور وړاندې کول ترڅو د معاملاتو د تحلیل او مالي راپورونو مرکز ته ولېږل شي.
• د قانون د رعایت پالیسیو، طرزالعملونو او میتودولوژۍ بیاکتنه، زیاتونه او سمون، له تر لاس لاندې مدیرانو سره په همکارۍ.

· د مشتریانو د معاملاتو په اړه د پیسو مینځلو او له جرمونو د عوایدو د مخنیوي له قانون او اړوندو مقرراتو سره سم د اړینو اسنادو او معلوماتو شتون یقیني کول.

• د آمریت په راپورونو کې د ارقامو او معلوماتو کره‌والی یقیني کول.
• له سوداګریزو بانکونو، اړوندو آمریتونو او د افغانستان بانک له زونونو سره د اړیکو مدیریت او تنظیم ترڅو د معاملاتو د طی مراحل اسناد، د مشتریانو ځانګړې پلټنې او د اړوندو بندیزونو د لېستونو د تطبیق معلومات ترلاسه شي.
• د نافذه قوانینو، مقرراتو او صادر شویو لارښوونو مطابق د مشتریانو غوښتنو ته رسېدنه او ځواب ورکول.
• په روزنیزو پروګرامونو کې ګډون او د اړوندو آمریتونو او هغو نورو ادارو لپاره چې د افغانستان بانک مشتریان دي د روزنې، پوهاوي او ظرفیت لوړونې پروګرامونه جوړول.
• په ټاکل شویو ډیټابېسونو کې د اړوندو معاملاتو د معلوماتو کره‌والی یقیني کول.
• د شکمنو مشتریانو پېژندنه او پر وخت د اړینو اقداماتو ترسره کول یقیني کول.
• د هغو مشتریانو پېژندنه چې ښايي د پیسو مینځلو او ترهګرۍ د تمویل له لوړ خطر سره مخ وي او د اړتیا پر مهال د اړوندو ادارو له خوا د مشتریانو د ژورې پېژندنې اقدامات ترسره کول.
• د کاري پلانونو جوړول، د راپورونو یوځای کول او مستقیم مدیر او باصلاحیته آمر ته یې وړاندې کول.

· نورې هغه دندې او مسؤلیتونه ترسره کول چې د طرزالعملونو، دستورونو، د لوړپوړو چارواکو د لارښوونو، لایحو او مقرراتو له مخې سپارل کېږي.

تحصیلي درجه

• لږ تر لږه په اقتصاد، حقوقو، مدیریت، بانکدارۍ او مالي چارو، ادارې یا سوداګرۍ کې لیسانس؛ په یادو څانګو کې د ماسټرۍ سند لرونکو ته ترجیح ورکول کېږي.

تجربه

• د دندې اړوند څلور (4) کاله کاري تجربه.

مهارتونه او وړتیاوې

• د هېواد په رسمي ژبو او انګلیسي کې عالي مهارت.

• مدیریتي مهارتونه.

• د کمپیوټري پروګرامونو او بانکي سیسټمونو سره بلدتیا.

• د بانکي قوانینو او مقرراتو پوهه.

• د کاري موضوعاتو تحلیل، د مالي مسئلو تفسیر او دقیق مالي راپور ورکولو وړتیا.

• د لیکونو، وړاندیزونو او کاري راپورونو د لیکلو وړتیا.

• روانې او اغېزمنې خبرې او د دندې د محرمو معلوماتو ساتنه.

• د کاري مسؤلیت پوهه او د کار په ساحه کې د ستونزو پېژندنه.

شخصي ځانګړتیاوې او ارزښتونه

• صداقت، ښه چلند، دوه اړخیز درناوی، نوښت، نظم، د دندې او وخت پابندي، ډله‌ییز کار سره لېوالتیا، همکاري، مسؤلیت‌پذیري، پرېکړه کول او په کار کې مسلکیتوب.

یادونې

• لېوال نوماندان لومړی کولی شي په jobs.dab.gov.af وېبپاڼه کې خپل حساب جوړ کړي، بیا اړوند بست وټاکي او غوښتل شوي اسناد په PDF بڼه پورته کړي.

• د ازموینې لپاره یوازې له ټاکل شویو نوماندانو سره اړیکه نیول کېږي.

• د ازموینې نېټه به وروسته اعلان شي.