د قانون د رعایت د څېړنې او پراختیا مدیر

د شرکت په اړه

د افغانستان بانک د وزیرانو شورا د 3/2/1318 نېټې د 152 شمېرې پرېکړې، د ملي شورا د 19/6/1318 نېټې د 11 شمېرې تصویب، د مشرانو جرګې د 12/6/1318 تاریخي تصویب او د شاهي حضور د 17/11/1318 نېټې د 5280/1317 منظورۍ پر بنسټ، د یو سل او شل میلیونه افغانۍ لومړنۍ پانګې سره د هېواد په پلازمېنه کابل کې پرانیستل شو. دغه بانک کولای شو د اړینو واکونو او دندو له مخې د هېواد دننه او بهر استازولۍ او څانګې جوړې او سکتوري بانکونه وټاکي. د افغانستان بانکي نظام د 1312 هجري لمریز کال د افغان ملي بانک په جوړېدو سره رامنځته شو او د افغانستان بانک له جوړېدو مخکې یې د دولت بانکي چارې پرمخ وړلې. د افغانستان بانک له تأسیس وروسته دولتي بانکي دندې، د افغانۍ د چاپ او خپرولو په ګډون، دې بانک ته انتقال شوې. د افغانستان بانک د دولت د بانکدار او سوداګریز بانک په توګه د افغانۍ د چاپ او خپرولو په چارو او بانکي نظام کې د پام وړ ستر بدلونونه او پرمختګونه رامنځته کړل. د افغانستان بانک فعالیت په دوو پړاوونو وېشل کېدای شي: لومړی پړاو له 1318 څخه تر 1380 پورې دی؛ په دې پړاو کې د افغانستان بانک د بازار د تقاضا له مخې د افغانۍ د چاپ، ضرب او خپرولو، د پیسو د ارزښت ساتلو او دولتي بانکي چارو ترڅنګ د نورو سوداګریزو بانکونو په څېر سوداګریز فعالیتونه هم ترسره کول، لکه د سپما، جاري او میعادي حسابونو پرانیستل، د پانګونې د پیاوړتیا لپاره پورونه او په سوداګریزو برخو کې نور پورونه ورکول. دویم پړاو له 1381 څخه پیلېږي. د افغانستان د اساسي قانون له تصویب وروسته مرکزي بانک د دې قانون د دولسمې مادې له مخې د خپلواک بانک په توګه تثبیت شو او د ورکړل شوو صلاحیتونو په مټ یې په بېلابېلو برخو کې مهمې لاسته راوړنې ترلاسه کړې. د افغانستان بانک د نوو بانکي او مالي قوانینو له مخې ټولې سوداګریزې چارې دولتي او خصوصي بانکونو ته وسپارلې او د بانکي او مالي بنسټونو د فعالیت د جواز ورکولو او څارنې مسئولیت یې واخیست. د افغانستان بانک د قانون له مخې د بیو ثبات د دې بانک لومړنۍ او اساسي موخه ده. د همدې لپاره د پولي پالیسیو طرحه، تصویب او تطبیق، د اسعارو پالیسي او ترتیبات، د بانکنوټونو چاپ او د سکو ضرب د مرکزي بانک دندې دي. همدارنګه د قانون له مخې د دولت بانکدار او مالي استازی، د بانکونو، صرافانو، د پولي خدمتونو وړاندې کوونکو او بهاداره اسنادو د فعالیت جواز ورکوونکی او ثبتوونکی او د خوندي او سالم تادیاتي سیستم مسئول بنسټ دی.

د دندې لنډیز

د دندې عنوان : د قانون د رعایت د څېړنې او پراختیا مدیر

آمریت: د خطر مدیریت او د قانون د رعایت عمومي آمریت

ګریډ: اتم (۸)

د بستونو شمېر: یو (۱)

د پیل نېټه: ۰۵/۰۷/۱۴۰۵

د پای نېټه: ۱۹/۰۷/۱۴۰۵

د اعلان ډول: داخلي او خارجي 

د استخدام ډول: دایمي

دندې او مسئولیتونه

• د برخې د چارو مدیریت، څارنه، کنټرول او ارزونه او د کار د موثریت او پایلو لوړول
• د پالیسیو، مقرراتو، طرزالعملونو، معیاري سیستمونو په طرحه، ترتیب او پراختیا او د ستراتېژیکو پلانونو په پلي کولو کې همکاري
• د قانون د رعایت د څېړنې چک‌لېسټونه او نورې هغه فورمې بشپړول چې د مستقیم مدیر له خوا سپارل کېږي
• د افغانستان بانک د قانون د رعایت اړوندو قوانینو، مقرراتو او طرزالعملونو په اړه تخصصي څېړنې
• د افغانستان بانک په فعالیتونو کې د قانون د رعایت تشې پېژندل او د دغو تشو د ډکولو او کاري چارو د ښه‌والي لپاره تخصصي وړاندیزونه کول
• د FATF، Basel Committee او نورو نړیوالو بنسټونو د قانون د رعایت معیارونه څېړل او په د افغانستان بانک کې یې پلي کول
• منظم څېړنیز راپورونه چمتو کول او د څېړنې او پراختیا لوړپوړي مدیر ته یې وړاندې کول
• د قانون د رعایت اړوند قانوني بدلونونه ارزول چې ښايي د افغانستان بانک پر فعالیتونو اغېز ولري
• د اجراآتو له امله د تېروتنو د پېژندلو پر مهال ژر تر ژره د هغو سمول او له نورو څانګو سره همکاري
• د سپارل شوو چارو لپاره له اړوندو او ښکېلو برخو سره اړیکه او همغږي ساتل
• د خطر د فرهنګ د ترویج او د افغانستان بانک اړوندو کارکوونکو ته د پوهاوي ورکولو په روزنیزو پروګرامونو کې ګډون او یا یې جوړول
• د مکتوبونو، وړاندیزونو، استعلامونو او نورو اداري مکاتباتو لیکل، پر وخت یې اجراآت کول، او په دوسیو او کارتنونو کې یې د هارډ او سافټ کاپي په توګه دقیق او منظم تنظیم او ساتنه
• کاري پلانونه جوړول او مستقیم مدیر او صلاحیت‌لرونکي آمر ته کاري راپورونه وړاندې کول
• د لایحې او مقرراتو له مخې د طرزالعملونو، لارښوونو او لوړپوړو مسئولینو د حکم له مخې سپارل شوې نورې دندې او مسئولیتونه ترسره کول

تحصیلي درجه

• لږ تر لږه د اقتصاد، مدیریت، بانکدارۍ او مالیې، سوداګرۍ ادارې، حقوقو، عامه ادارې یا محاسبې په برخه کې لیسانس

تجربه

• له دندې سره اړونده درې (۳) کاله کاري تجربه

مهارتونه او وړتیاوې

• د هېواد په رسمي ژبو او انګلیسي ژبه کې غوره مهارت

• مدیریتي مهارتونه

• له کمپیوټري پروګرامونو او بانکي سیستمونو سره بلدتیا

• د افغانستان بانک له قوانینو، بانکي مقرراتو، دندو او موخو سره بلدتیا

• د کاري مسایلو د تحلیل، د مالي مسایلو د تفسیر او دقیق مالي راپور ورکولو وړتیا

• د مکتوبونو، وړاندیزونو او کاري راپورونو د لیکلو وړتیا

• روانې او اغېزمنې خبرې او د کاري محرمیت ساتنه

• د کاري مسئولیتونو درک او په کاري ساحه کې د ستونزو پېژندنه

شخصي صفتونه او ارزښتونه

• رښتینی، ښه چلند لرونکی، د متقابل درناوي ملاتړکوونکی، نوښتګر، منظم، د دندې او وخت پابند، د ټیمي کار علاقه‌مند، همکار، مسئولیت‌منونکی، پرېکړه کوونکی او په خپل کاري ډګر کې مسلکي

یادونې

• علاقه‌مندان کولای شي لومړی د jobs.dab.gov.af وېبپاڼه کې ځان ته کارن جوړ کړي، بیا مطلوب بست وټاکي او غوښتل شوي اسناد په PDF بڼه پورته کړي.

• د ازموینې لپاره یوازې له غوره شویو نوماندانو سره اړیکه نیول کېږي.

• د ازموینې نېټه به وروسته اعلان شي.