د حقوقي خطرونو د ارزونې مدیر

د ادارې په اړه

د افغانستان بانک د وزیرانو شورا د 152 شمېرې د 3/2/1318 نېټې پرېکړې، د ملي شورا د 11 شمېرې د 19/6/1318 نېټې پرېکړې، د مشرانو جرګې د 12/6/1318 تاریخي تصویب او د شاهانه مقام د 5280/1317 شمېرې د 17/11/1318 نېټې منظورۍ له مخې د هېواد په پلازمېنه کابل کې د یو سل او شل میلیونه افغانیو په لومړنۍ پانګه پرانیستل شو. دغه بانک کولای شوای په هېواد دننه او بهر د اړینو واکونو او دندو په لرلو سره خپلې نمایندګۍ او څانګې جوړې کړي او سکتوري بانکونه وټاکي. د افغانستان بانکي نظام په 1312 لمریز کال کې د افغان ملي بانک په جوړېدو رامنځته شو او د افغانستان بانک تر جوړېدو وړاندې دولتي بانکي چارې افغان ملي بانک پر مخ وړلې. د افغانستان بانک له جوړېدو وروسته دولتي بانکي چارې، د افغاني پیسو چاپ او خپرول هم دغه بانک ته ولېږدول شول. د افغانستان بانک د دولت د بانکدار او د سوداګریز بانک په توګه وکولای شول د افغاني پیسو د چاپ او خپرولو او بانکي نظام په برخه کې ستر بدلونونه او پرمختګونه رامنځته کړي. د افغانستان بانک فعالیتونه په دوو پړاوونو وېشل کېدای شي: لومړی پړاو له 1318 څخه تر 1380 کال پورې و؛ په دې موده کې د افغانستان بانک د بازار له غوښتنې سره سم د افغاني پیسو په چاپ، ضرب او خپرولو، د پیسو د ارزښت په ساتنه او دولتي بانکي چارو بوخت و. د دې ترڅنګ یې د افغانستان د نورو سوداګریزو بانکونو په څېر سوداګریز فعالیتونه هم ترسره کول، لکه د سپما، جاري او میعادي حسابونو پرانیستل، د پانګونې د پیاوړتیا لپاره پورونه او په سوداګریزو برخو کې نور پورونه ورکول. دویم پړاو له 1381 کال څخه پیلېږي. د افغانستان د اساسي قانون له تصویب وروسته، مرکزي بانک د دغه قانون د دولسمې مادې له مخې د یوه خپلواک بانک په توګه ثبت شو او د ورکړل شوو صلاحیتونو پر بنسټ یې په بېلابېلو برخو کې د پام وړ لاسته راوړنې لرلې. د افغانستان بانک د نوو بانکي او مالي قوانینو له مخې ټول سوداګریز فعالیتونه دولتي او خصوصي بانکونو ته وسپارل او د بانکي او مالي بنسټونو د فعالیت جواز ورکولو او څارنې مسؤلیت یې واخیست. د افغانستان بانک د قانون له مخې د بیو ثبات د بانک لومړنۍ او بنسټیزه موخه ده؛ د همدې لپاره د پولي سیاستونو طرحه، پلي کول او غوره کول، د اسعارو سیاست او ترتیبات، د بانکنوټونو چاپ او د سکو ضرب د مرکزي بانک له دندو څخه دي. د دې ترڅنګ د قانون له مخې د دولت د بانکدار او مالي استازي، بانکونو، صرافانو او د پولي خدمتونو وړاندې کوونکو ته د فعالیت جواز ورکولو او ثبتولو ادارې، او همدارنګه د بهادارو اسنادو او خوندي او سالم تادیاتي سیستم په برخو کې فعالیت کوي.

د دندې لنډیز

د دندې عنوان: د حقوقي خطرونو د ارزونې مدیر

آمریت: د خطرونو د مدیریت او قانون د رعایت عمومي آمریت

ګرېډ: اتم (۸)

د بستونو شمېر: یو (۱)

د پیل نېټه: ۰۵/۰۷/۱۴۰۵

د پای نېټه: ۱۹/۰۷/۱۴۰۵

د اعلان ډول: داخلي او بهرنی

د استخدام ډول: دایمي

دندې او مسؤلیتونه

• د څانګې د چارو مدیریت، څارنه، کنټرول او ارزونه او د کار اغېزمنتیا او حاصل لوړول.
• د پالیسیو، مقرراتو، کړنلارو او معیاري سیستمونو په طرحه، ترتیب او پراختیا او د پلانونو په تطبیق کې همکاري.
• د حقوقي خطرونو اړوند مکاتباتو د صحت او کیفیت لومړنۍ تصدیق او وروستۍ تاییدۍ ته یې مستقیم مدیر ته وړاندې کول.
• د خطرونو د پېژندنې، ارزونې او راپور ورکونې د لارو چارو د ښه والي لپاره ارزښتناک وړاندیزونه کول.
• د افغانستان بانک د حقوقي خطرونو، د بانک پر وړاندې ادعاوو، معاملاتو او اسنادو، د شتمنیو د ساتنې د نیمګړتیاوو او د قوانینو او مقرراتو د بدلونونو د اغېزو په پېژندنه کې ګډون.
• د افغانستان بانک په فعالیتونو کې د حقوقي خطرونو تحلیل؛ د مستقیم مدیر تر څارنې لاندې د اسنادو او قراردادونو د حقوقي اعتبار او اړوندو مسؤلیتونو ارزونه.
• له حقوقي سلاکار سره د نړیوالو معیارونو له مخې د حقوقي خطرونو په ارزونه کې همکاري، د کورني حقوقي زیربنا، د ورته ادعاوو تاریخي سابقې او د څارنیز چاپېریال د باور کچې په پام کې نیولو سره.
• د حقوقي خطرونو د شاخصونو راټولول او راپور ورکول، لکه نوي قوانین، نوي قضايي حکمونه، د بازار په فعالیت کې ستر بدلونونه، د کلیدي کارکوونکو بدلونونه او د نورو ادارو پر وړاندې حقوقي اقدامات.
• د وړاندوینې وړ حقوقي خطرونو د سناریوګانو د حل لپاره د مخنیوي ستراتیژیو تطبیق؛ په مالي چاپېریال کې د قانوني بدلونونو تعقیب.
• د سوداګریزو بانکونو، د افغانستان بانک، مخابراتي شرکتونو او نورو اړوندو ادارو ترمنځ د شخړو په قضیو کې د افغانستان بانک د مالي شخړو د حل له کمېسیون سره همکاري.
• د کړنو له امله د تېروتنو د پېژندلو پر مهال د هغو ژر تر ژره اصلاح او له نورو څانګو سره همکاري.
• د سپارل شوو چارو لپاره له اړوندو او ښکېلو څانګو سره د اړیکو او همغږۍ ټینګول.
• د حقوقي خطرونو د ثبت دفتر ساتل او په دوره‌يي ډول تازه کول؛ د پېژندل شوو خطرونو د ارزونې او حل لپاره د دوامدارې څارنې او بیاکتنې بهیرونه رامنځته کول.
• د ځانګړو پېښو (لکه نوو قوانینو یا نوو قضايي حکمونو) په غبرګون کې او همدارنګه په منظم دوره‌يي ډول د افغانستان بانک د اسنادو بیاکتنه.
• د حقوقي خطرونو په اړه په روزنیزو او پوهاوي پروګرامونو کې ګډون.
• د مکتوبونو، وړاندیزونو، استعلامونو او نورو اداري لیکونو لیکل، په ټاکلي وخت یې طی مراحل کول او په دوسیو او کارتنونو کې یې په هارډ او سافټ کاپي بڼه دقیق او منظم ساتل.
• د کاري پلانونو ترتیب او مستقیم مدیر او اړوند آمر ته د کاري راپورونو وړاندې کول.
• د لایحو، کړنلارو، لارښوونو او د لوړپوړو چارواکو د هدایاتو له مخې د نورو سپارل شوو دندو او مسؤلیتونو ترسره کول.

تحصیلي درجه

• لږ تر لږه په اقتصاد، مدیریت، بانکدارۍ او مالي چارو، اداره او تجارت، حقوقو، عامه ادارې یا حسابدارۍ کې لیسانس.

تجربه

• د دندې اړوند درې (۳) کاله کاري تجربه.

مهارتونه او وړتیاوې

• د هېواد په رسمي ژبو او انګلیسي ژبه کې عالي مهارت.

• مدیریتي مهارتونه.

• له کمپیوټري پروګرامونو او بانکي سیستمونو سره بلدتیا.

• د افغانستان بانک له قوانینو، بانکي مقرراتو، دندو او موخو سره بلدتیا.

• د دندې اړوند د مسایلو د تحلیل، د مالي موضوعاتو د تفسیر او دقیق راپور ورکونې وړتیا.

• د مکتوبونو، وړاندیزونو او کاري راپورونو د لیکلو وړتیا.

• په خبرو کې فصاحت او بلاغت او د دندې د محرمیت ساتنه.

• د کاري مسؤلیت پوهه او درک او په کاري ساحه کې د ستونزو پېژندنه.

شخصي ځانګړنې او ارزښتونه

• رښتینی، د ښه چلند خاوند، د متقابل درناوي ملاتړی، نوښتګر، منظم، دندې او وخت ته ژمن، د ډله‌ییز کار لېوال، همکار، مسؤولیت منونکی، پرېکړه کوونکی او په خپله کاري برخه کې مسلکي.

یادونې

• لېوال کسان کولای شي لومړی په jobs.dab.gov.af وېبپاڼه کې خپل کارن حساب جوړ کړي، بیا د خوښې بست وټاکي او غوښتل شوي اسناد په PDF بڼه پورته کړي.

• د ازموینې لپاره یوازې له غوره شویو غوښتونکو سره اړیکه نیول کېږي.

• د ازموینې نېټه به وروسته اعلان شي.