د بازار د خطر ارزونې مدیر

د ادارې په اړه

د افغانستان بانک د وزیرانو شورا د 3/2/1318 نېټې د 152 شمېرې پرېکړې، د ملي شورا د 19/6/1318 نېټې د 11 شمېرې پرېکړې، د مشرانو جرګې د 12/6/1318 نېټې د تصویب او د شاهي حضور د 17/11/1318 نېټې د 5280/1317 منظورۍ پر بنسټ په کابل کې د یو سل او شل میلیونه افغانیو لومړنۍ پانګې سره پرانیستل شو. بانک په هېواد دننه او بهر د اړینو واکونو او دندو له مخې د استازولیو او څانګو د جوړولو او د سکتوري بانکونو د ټاکلو صلاحیت درلود. په افغانستان کې د بانکدارۍ نظام د 1312 هجري لمریز کال د افغان ملي بانک له جوړېدو سره پیل شو او د د افغانستان بانک تر جوړېدو مخکې دغه بانک دولتي بانکداري کوله. د د افغانستان بانک له جوړېدو وروسته د افغاني پیسو د چاپ او خپرولو په ګډون دولتي بانکي چارې ورته ولېږدول شوې. د افغانستان بانک د دولت د بانکدار او سوداګریز بانک په توګه د افغانیو د چاپ او خپرولو او د بانکي نظام د پراختیا په برخه کې ستر پرمختګونه وکړل. د بانک فعالیت په دوو پړاوونو وېشل کېږي: لومړی پړاو له 1318 څخه تر 1380 کال پورې، چې بانک د بازار له اړتیا سره سم د افغانیو چاپ، سکه وهل او خپرول، د پیسو ارزښت ساتل او دولتي بانکداري کوله؛ د نورو سوداګریزو بانکونو په څېر یې د سپما، جاري او میعادي حسابونو پرانیستل او د پانګونې او سوداګرۍ د پیاوړتیا لپاره د پورونو ورکول هم ترسره کول. دویم پړاو له 1381 کال څخه پیل شو. د افغانستان د اساسي قانون له تصویب وروسته، مرکزي بانک د دغه قانون د دولسمې مادې له مخې د یوه خپلواک بانک په توګه تثبیت شو او له ورکړل شوو واکونو سره یې په ګڼو برخو کې پرمختګ وکړ. د افغانستان بانک د نویو بانکي او مالي قوانینو له مخې سوداګریزې چارې دولتي او خصوصي بانکونو ته وسپارلې او د بانکي او مالي بنسټونو د فعالیت د جواز ورکولو او څارنې مسؤولیت یې واخیست. د د افغانستان بانک د قانون له مخې د بیو ثبات یې لومړنۍ او بنسټیزه موخه ده. له همدې امله د پولي سیاستونو جوړول، غوره کول او پلي کول، د اسعارو سیاست او تنظیم، د بانکنوټونو چاپ او سکو وهل د مرکزي بانک دندې دي. دا بانک همدارنګه د دولت د بانکدار او مالي استازي، بانکونو، صرافانو او د پولي خدمتونو او بهادارو اسنادو وړاندې کوونکو ته د جواز ورکولو او ثبت ادارې او د خوندي او سالم تادیاتو سیستم په توګه فعالیت کوي..

د دندې لنډیز

د دندې نوم: د بازار د خطر ارزونې مدیر

آمریت: د خطر مدیریت او د قانون مراعت عمومي آمریت

ګریډ: اتم (۸)

د بستونو شمېر: یو (۱)

د پیل نېټه: ۰۵/۰۷/۱۴۰۵

د پای نېټه: ۱۹/۰۷/۱۴۰۵

د اعلان ډول: داخلي او بهرنی

د استخدام ډول: دایمي

دندې او مسؤولیتونه

• د اړوندې برخې د چارو مدیریت، څارنه، کنټرول او ارزونه او د کار اغېزمنتیا او تولید زیاتول
• د تګلارو، مقرراتو، کړنلارو او معیاري سیستمونو په طرح، جوړولو او پراختیا او د پلانونو په پلي کولو کې مرسته
• د د افغانستان بانک د خطر مدیریت تګلارې او د خطر ارزونې د چوکاټ د پلي کېدو ډاډمنول
• د بازار د خطر (سره زر، د اسعارو تبادلې نرخ) د ارزونې چک‌لېستونه او د مستقیم مدیر له خوا سپارل شوې نورې فورمې برابرول
• د خطر د پېژندلو، ارزولو او راپور ورکولو د طریقو د ښه کولو لپاره ګټور وړاندیزونه کول
• د سرو زرو تر پېرود مخکې د خطر ارزونه، تحلیلي راپورونه برابرول او د نړیوالو معیارونو له مخې اړوندو کمېټو ته د خطر کمولو او د چارو ښه والي سپارښتنې وړاندې کول
• د سرو زرو ورځنی نرخ د (XAU/USD) اړوندو سیستمونو له لارې د LBMA، Bloomberg او Reuters په څېر له باوري نړیوالو سرچینو تحلیلول او د د افغانستان بانک د سرو زرو د پېرود په اړه نظر وړاندې کول
• د اسعارو د نرخ او د سرو زرو د بیې د بدلونونو اغېز د د افغانستان بانک پر مالي وضعیت ارزول
• د پانګونې د کمېټې له پرېکړو سره سم د د افغانستان بانک د سرو زرو د نرخ ټاکلو د فورمول د تطبیق ډاډمنول
• د سرو زرو له پېرود سره د کنټرول د تشو او عملیاتي خطرونو پېژندل
• د سرو زرو د زېرمو د ورځني بازار ارزښت (Mark-to-Market) د محاسبې رهبري او څارنه
• د عملي چارو د تېروتنو د پېژندلو پر مهال د ژر سمون ګامونه اخیستل او له نورو څانګو سره مرسته
• د سپارل شوو چارو په تړاو له اړوندو څانګو او ښکېلو لورو سره اړیکې او همغږي
• د خطرونو پېښې او پایلې د خطر په ثبت کتاب (ریسک ریجستر) کې درج کول
• لیکونه، وړاندیزونه، استعلامونه او نور اداري مراسلات چمتو کول، پر وخت یې طی مراحل کول او چاپي او برېښنايي بڼې یې په دوسیو او کارتنونو کې کره او منظمې ساتل
• کاري پلانونه چمتو کول او مستقیم مدیر او باصلاحیته آمر ته کاري راپورونه ورکول
• د کړنلارو، لارښوونو، د لوړپوړو چارواکو د هدایتونو، دندې لایحې او مقرراتو سره سم نورې سپارل شوې دندې او مسؤولیتونه ترسره کول

د زده‌کړو کچه

• په اقتصاد، مدیریت، بانکدارۍ او مالي چارو، سوداګرۍ اداره یا عامه اداره کې لږ تر لږه د لېسانس سند؛ په یادو برخو کې ماسټري غوره ګڼل کېږي.

تجربه

• له دندې سره درې (۳) کاله اړونده کاري تجربه

مهارتونه او وړتیاوې

• د هېواد په رسمي ژبو او انګلیسي کې غوره مهارت

• مدیریتي مهارتونه لرل

• له کمپیوټري پروګرامونو او بانکي سیستمونو سره بلدتیا

• د د افغانستان بانک له قوانینو، بانکي مقرراتو، دندو او موخو سره بلدتیا

• د دندې د مسایلو د تحلیل، د مالي چارو د تفسیر او کره راپور ورکولو وړتیا

• د لیکونو، وړاندیزونو او کاري راپورونو د لیکلو وړتیا

• په خبرو کې فصاحت او بلاغت او د دندې د محرمیت ساتنه

• د کاري مسؤولیتونو درک او په کارځای کې د ستونزو پېژندنه

شخصي ځانګړنې او ارزښتونه

• رښتینی، ښه چلند لرونکی، د متقابل احترام ملاتړی، نوښتګر، بانظمه، دندې او وخت ته ژمن، د ټیمي کار لېوال، همکار، مسؤولیت‌منونکی، پرېکړه‌کوونکی او په خپله برخه کې مسلکي

یادونې

• لېوال نوماندان کولای شي لومړی په jobs.dab.gov.af وېب‌سایټ کې خپل کارن حساب جوړ کړي، بیا اړوند بست وټاکي او غوښتل شوي اسناد د PDF په بڼه پورته کړي.

• د ازموینې لپاره به یوازې له غوره شوو غوښتونکو سره اړیکه ونیول شي.

• د ازموینې نېټه به وروسته اعلان شي.