د OpenAI د AI او د تنکیو ځوانانو د ودې د څېړنیزې مرستې پروګرام 2026

وروستۍ نېټه: October 6, 2026

د OpenAI’s AI & Teen Development Research Grant Program 2026 لپاره غوښتنلیکونه پرانیستي دي. OpenAI د خپلواکو څېړنو د ملاتړ لپاره $5 million ځانګړي کوي څو وڅېړل شي چې تولیدي مصنوعي ځیرکتیا د 13–17 کلونو د ځوانانو پر ژوند او وده څه اغېز لري.

تولیدي AI د تنکیو ځوانانو د زده‌کړې، نوښت او مشورو اخیستلو برخه ګرځي. اغېزې یې ښايي پېچلې او متفاوتې وي. دا اغېزې کېدای شي د AI د استعمال له موخې، د کارولو له طریقې، د هر ځوان له شخصي حالاتو او د کورنیو، ښوونځیو، ټولنو او ټکنالوژۍ وړاندې کوونکو له ملاتړ سره تړاو ولري.

دوی غواړي په دې اړه پیاوړي شواهد برابر کړي چې تنکي ځوانان AI څنګه کاروي او دا یې په ژوند څه اغېز لري، څو د ځوانانو لپاره د AI محصولاتو پراختیا ته معلومات ورکړي او د پالیسي جوړوونکو او تنظیموونکو مهمو پوښتنو ته ځوابونه وموندل شي. د بېلګې په توګه، موخه دا ده چې په بېلابېلو عمرونو او شرایطو کې د توپیرونو، د حفاظتي تدابیرو او مداخلو د اغېزمنتیا او د شواهدو د پلي کولو او ارزولو په اړه د ټول صنعت پوهه زیاته شي. دا پروګرام د ځوانۍ پر مهال د AI له کارونې سره تړلو فرصتونو او ننګونو په اړه خپلواکې څېړنې تمویلوي، په ځانګړي ډول د تنکیو ځوانانو پر ټولنیزې او عاطفي ودې تمرکز کوي.

د څېړنې لومړیتوبونه

هغو وړاندیزونو ته بلنه ورکول کېږي چې له لاندې یوې یا څو موضوعاتو سره تړاو ولري:

عاطفي وده او هوساینه: د عواطفو تنظیم، زغم، هویت، خپلواک تصمیم، ځان‌درناوي او ټولنیزې اړیکې.

ټولنیزه وده او اړیکې: د ملګرتیا، کورنۍ اړیکو، تړاو احساس، ارتباط، همدردۍ، ټولنیزو مهارتونو او د AI او انساني اړیکو ترمنځ د تړاو څېړنه.

د بېلابېلو ټولنیزو ډلو ترمنځ د استعمال نمونې، شرایط او توپیرونه: د استعمال د وخت، ډول او موخې، عمر، کلتور، ژبې، ټولنیز ـ اقتصادي وضعیت او نورو شخصي او چاپېریالي عواملو له مخې د پایلو توپیرونه.

د خطر کمولو لارې، د عمر لپاره مناسب ډیزاین او پالیسۍ: د محافظتي تدابیرو، په محصول کې د مداخلو، د AI د سواد، د والدینو او ښوونکو ملاتړ او د سالم استعمال د طریقو ارزونه.

مالي مرسته

دوی به د هرې انفرادي څېړنې لپاره تر $1 million پورې او په ټولیز ډول تر $5 million پورې مرستې ورکړي.

د وړتیا شرایط

عمر باید 18 کاله یا زیات وي؛

له یوې څېړنیزې ادارې یا سازمان سره تړاو ولري، او/یا د ماشومانو او تنکیو ځوانانو د ودې، هوساینې، د انسان او کمپیوټر د تعامل، د AI اغېزو یا نږدې اړوندې برخې مهمه تجربه ولري؛

دوی غواړي څېړنې تمویل کړي، نه انتفاعي نوښتونه؛ له همدې امله اوس مهال انتفاعي سازمانونو ته لومړیتوب نه ورکوي.

د ارزونې معیارونه

وړاندیزونه د لاندې معیارونو له مخې ارزول کېږي

علمي دقت: د څېړنیز ډیزاین او تحلیل پیاوړتیا او مناسبت.

اړوندوالی: د AI په اړه په اوسنيو عامه بحثونو پورې د تړلې موضوع څېړنه.

د وړاندیز کیفیت: د غوښتنلیک روڼوالی، تمرکز او انسجام.

د عملي کېدو وړتیا: د موندنو د ماډلونو، محصولاتو، محافظتي تدابیرو، تنظیمي لارو یا راتلونکو څېړنو لپاره په لارښوونو بدلولو امکان.

اخلاق او ساتنه: د کوچنیانو او نورو ګډونوالو د ساتنې لپاره د تدابیرو کافي‌والی.

د ترسره کېدو امکان: ایا پروژه د وړاندیز شوو سرچینو او وخت په چوکاټ کې بشپړېدای شي؟

د ټیم تخصص: د وړاندیز شوي کار د مسئولانه ترسره کولو لپاره د ټیم وړتیا.

شمولیت او د پایلو عمومیت: بېلابېلو نفوسونو، شرایطو، کلتورونو او تجربو ته پاملرنه.

تکمیلي ارزښت: دا چې کار څومره پر شته شواهدو زیاتونه کوي او د OpenAI داخلي څېړنیزه تګلاره بشپړوي.

خپلواکي او اعتبار: د پروژې وړتیا چې د باور وړ پایلې ورکړي، که دغه پایلې د AI محصولاتو وړاندې کوونکو ته په ګټه وي او که نه.

غوښتنلیک

غوښتنلیک باید په Google doc کې له اضافي کرښه‌ییز واټن پرته ترتیب شي. غوښتونکي دې لاندې اسناد وسپاري:

د پروژې لنډیز: د وړاندیز شوې څېړنې او تمه کېدونکې ونډې لنډه پېژندنه، له یوې پاڼې کمه.

څېړنیز وړاندیز: تر درېیو پاڼو زیات نه وي (له سرچینو پرته) او لاندې موضوعات پکې شامل وي:

څېړنیزې پوښتنې

اړوندې پخوانۍ څېړنې

وړاندیز شوې طریقې او تحلیل

د څېړنې نفوس او د ګډونوالو د جذب تګلاره، د امکان یا لاسرسي د شواهدو په ګډون

تمه کېدونکې پایلې

احتمالي محدودیتونه

د پروګرام له موخو سره تړاو

د پروژې پلان او مهالوېش: مهم فعالیتونه، پړاوونه او د بشپړېدو تمه کېدونکې نېټه.

بودجه او د بودجې توجیه: غوښتل شوې مرسته، د لګښتونو مهمې برخې او د ملاتړ نورې ژمنې شوې سرچینې.

د پروژې اړتیاوې او تړاوونه: د هغو اړتیاوو توضیح چې څېړنه پرې ولاړه ده او د هغو خطرونو څرګندونه چې د پروژې بریا ته زیان رسولای شي.

د اخلاقو او ساتنې بیان: د هرې څېړنې لپاره اړین دی چې کوچنیان، حساس معلومات یا احتمالي زیانمنې ډلې پکې شاملې وي. د اړتیا په مواردو کې باید د تنکیو ځوانانو په اړه د څېړنې اړوند مقرراتو او د رعایت تګلارې ته څرګنده اشاره وشي.

د ټیم معلومات: د اصلي څېړونکي او د ټیم د مهمو غړو لنډ CV یا ژوندلیکونه.

د خپلواکۍ او د ګټو د ټکر څرګندونه: اړوندې مالي اړیکې، د صنعت تمویل یا نور احتمالي د ګټو ټکرونه.

غوښتنلیکونه باید په انګلیسي وسپارل شي. خپله څېړنه په هره ژبه ترسره کېدای شي.

د غوښتنې لپاره دلته کلیک وکړئ.

د نورو معلوماتو لپاره د OpenAI’s AI & Teen Development Research Grant پاڼه وګورئ.