د موټرسایکل د ترمیم روزونکی

د ادارې په اړه

Organization for Relief Development (ORD) یوه ملي غیرحکومتي اداره ده چې په 2010 کال کې جوړه او د افغانستان د اقتصاد له وزارت سره ثبت شوې ده. ORD له 16 کلونو څخه د زیاتې تجربې په لرلو د ملګرو ملتونو له ادارو، نړیوالو مرسته‌کوونکو او پراختیايي سازمانونو سره په ملګرتیا د افغانستان په ټولو 34 ولایتونو کې له 113 څخه زیاتې بشري او پراختیايي پروژې په بریالیتوب پلې کړې دي.

ORD د زیانمنو ټولنو، په ځانګړي ډول د ښځو، ځوانانو او څنډې ته شویو ډلو لپاره د دوامدار معیشت، ټولنیز شمولیت، مقاومت او اقتصادي پیاوړتیا ودې ته ژمنه ده.

د دندې لنډیز

د موټرسایکل ترمیم روزونکی د REEP پروژې په چوکاټ کې د منظور شوي نصاب او د پروژې د پلي کېدو د پلان سره سم د موټرسایکل د ترمیم د روزنې پلانولو، تنظیمولو، وړاندې کولو، څارنې او ارزونې مسئول دی. د دې بست کارکوونکی لاندې دندې او مسئولیتونه ترسره کوي:

1. د روزنې وړاندې کول

• د منظور شوي نصاب پر بنسټ درسي پلانونه او عملي تمرینونه چمتو کول.
• د منظور شوي روزنیز مهالوېش له مخې د موټرسایکل د ترمیم نظري او عملي روزنه ورکول.
• د وړتیا پر بنسټ عملي نندارې ترسره کول.
• ټولو زده‌کوونکو ته د عملي زده‌کړې برابر فرصتونه یقیني کول.
• د وړتیا پر بنسټ روزنې (CBT) اصول د ټولګي د تدریس، د ورکشاپ تر څارنې لاندې تمرین، انفرادي لارښوونې او دوامدارې ارزونې له لارې پلي کول.

2. د ورکشاپ عملي روزنه

• ګډونوالو ته د موټرسایکل د انجن سیستمونه، د انجن پرانیستل او راټولول، د تېلو، غوړولو، د ځواک لېږد او کلچ سیستمونه ښوول.
• ګډونوالو ته د برېک، تعلیق او سټېرینګ سیستمونه او د ټایرونو تنظیم او توازن ښوول.
• ګډونوالو ته د برېښنا سیستمونه، د بېټرۍ ساتنه، د انجن روښانولو، چارج او څراغونو سیستمونه ښوول.
• ګډونوالو ته د موټرسایکل سرویس، مخنیوي ساتنه، د عیبونو تشخیص او ستونزو حلول ښوول.
• ګډونوالو ته د ورکشاپ د وسایلو او تجهیزاتو استعمال ښوول.

3. د ورکشاپ خوندیتوب

• د ورکشاپ د وسایلو او ماشینونو خوندي استعمال یقیني کول او د مسلکي روغتیا او خوندیتوب (OHS) اصول پلي کول.
• د سونګ موادو، غوړو، بېټریو او برېښنایي تجهیزاتو خوندي استعمال ته وده ورکول.
• د زده‌کوونکو لپاره د مناسبو شخصي حفاظتي وسایلو (PPE) استعمال یقیني کول.
• د ورکشاپ پاکوالی او نظم ساتل.

4. ارزونه او روزنیز ملاتړ

• د مهارتونو لومړنۍ ارزونې او د وړتیا ارزونې ترسره کول.
• د زده‌کوونکو د ارزونې اسناد ساتل.
• زده‌کوونکو ته لارښوونې او نظرونه ورکول.
• د وړتیا له مخې د زده‌کوونکو لپاره د سند سپارښتنه کول.

5. اداري چارې او راپور ورکول

• د ورځنۍ حاضرۍ او د وسایلو، تجهیزاتو او مصرفي موادو د موجودۍ اسناد ساتل.
• هغه ستونزې راپور کول چې د روزنې پر پلي کېدو اغېز کوي.
• لاندې اسناد چمتو کول او سپارل: د روزنې کاري پلان، اونیز درسي پلانونه، د ورځنۍ حاضرۍ پاڼې، د عملي ارزونې اسناد، میاشتني پرمختیايي راپورونه، د وروستۍ وړتیا ارزونې راپور او د روزنې د بشپړېدو وروستی راپور.

6. همغږي او څارنه

• د پروژې له مدیر او د مهارتونو د پراختیا له مسئول سره همغږي کول.
• د ORD او UNDP څارنیزو لیدنو سره مرسته کول.
• د همغږۍ په غونډو کې ګډون کول.
• د څارنې او ارزونې پر مهال له MEAL ټیم سره همکاري کول.

زده‌کړې

په میخانیکي انجنیري، د موټرو ټکنالوژۍ یا اړونده تخنیکي څانګه کې ډیپلوم یا لېسانس.

د موټرسایکل ترمیم ملي TVET سند لرل امتیاز دی.

تجربه

د موټرسایکل په ترمیم کې لږ تر لږه درې (3) کاله عملي تجربه.

د حرفوي یا تخنیکي روزنې په وړاندې کولو کې لږ تر لږه دوه (2) کاله تجربه.

د وړتیا پر بنسټ روزنې (CBT) تجربه غوره ګڼل کېږي.

د مرسته‌کوونکو له خوا د تمویل شویو پروژو سره کاري تجربه امتیاز دی.

تخنیکي مهارتونه

د موټرسایکل د میخانیکي سیستمونو پیاوړې پوهه.

غوره عملي ترمیمي مهارتونه.

د ورکشاپ له تجهیزاتو سره په خوندي ډول د کار کولو وړتیا.

د روزنې د راپورونو او اسنادو چمتو کولو وړتیا.

ژبې

په دري او/یا پښتو روانې خبرې او لیکل.

وړتیاوې

د تدریس او اړیکو پیاوړي مهارتونه.

د تنظیم او وخت مدیریت ښه مهارتونه.

د بېلابېلو تحصیلي شالیدونو لرونکو زده‌کوونکو د لارښوونې وړتیا.

د باکیفیته روزنې او دوامدار پرمختګ ژمنتیا.

موضوع: Bag Making Trainer – ORD-AF-26-03

لېوال نوماندان دې خپل CV او د غوښتنې لیک لاندې ایمیل ته واستوي. د ایمیل موضوع باید داسې وي: ORD-AF-26-03 – د ولایت نوم (Logar یا Paktia).

لنډ لېست ته غوره شوي نوماندان به لیکلې ازموینې، مرکې او د وړتیا پر بنسټ ارزونې ته وبلل شي. شکایتونه: خپلې اندېښنې د ORD د شکایتونو رسمي سیسټم له لارې راپور کړئ.

ایمیل/غوښتنلیک: [email protected]