طبي ډاکتر

د سازمان په اړه

په تېرو څو کلونو کې د افغانستان په ډېرو سیمو کې امنیت او ثبات یو څه ښه شوی دی. دې حالت د INTERSOS په څېر بشري مرستندویه ادارو ته اجازه ورکړې چې بې‌ځنډه لاسرسی وساتي او په هغو سیمو کې خدمتونه پراخ کړي چې مخکې ورته لاسرسی ستونزمن و. له دې پرمختګ سره سره بشري وضعیت لا هم کړکېچن دی؛ میلیونونه افغانان د اوږدمهالو اقتصادي ستونزو، طبیعي پېښو او اساسي خدمتونو ته د محدود لاسرسي له امله له سختې زیانمننې سره مخ دي.

په 2025 کال کې له نیمایي ډېر وګړي بشري مرستو ته اړتیا لري او د خوړو ناامني، د ماشومانو خوارځواکي او بې‌ځایه کېدل لا هم مهمې اندېښنې دي. طبیعي پېښو لکه سېلابونو او وروستیو زلزلو د لا له وړاندې ستونزو سره مخ ټولنو اړتیاوې نورې هم زیاتې کړې دي.

INTERSOS په کابل، کندهار او زابل کې د ساحوي مرکزونو له لارې د ټولنې پر بنسټ کار کوي او د ښځو، ماشومانو او معلولیت لرونکو کسانو په ځانګړې پاملرنې لومړني روغتیايي خدمتونه، تغذیه او خوندیتوب برابروي. دا سازمان په ټولنه کې پراخه منښت لري او له اړوندو ملي چارواکو سره نږدې همکاري کوي او په ټولو فعالیتونو کې د ښځینه کارکوونکو بشپړ ګډون ساتي.

که څه هم عملیاتي چاپېریال تر ډېره باثباته او مساعد دی، خو د بودجې کمښت او سیسټمي خنډونه، لکه د مالي لېږدونو محدودیتونه او اداري ستونزې، لا هم د بشري غبرګون پر کچې او پراخوالي اغېز کوي. دوامدار ملاتړ د ژوند ژغورونکو خدمتونو د دوام او د افغانستان د تر ټولو زیانمنو وګړو د بیړنیو اړتیاوو د پوره کولو لپاره حیاتي دی.

د دندې لنډیز

په کندهار کې د جګړو له امله په اغېزمنو ټولنو کې د ناکافي (یا نشتو) روغتیايي او تغذیوي خدمتونو، د چاپېریال روغتیايي شرایطو او محافظتي چاپېریال د کمښت په پایله کې د خوارځواکۍ، ناروغیو او خطرونو اړوند د ناروغۍ او مړینې د کمولو لپاره ونډه اخیستل.

دندې او مسؤولیتونه:

●ټول هغه ناروغان کلینیکي معاینه کول چې د پېچلو ناروغیو نښې، اختلاطات یا د نرس له خوا راجع کېدل لري.

●د کارول کېدونکي پروتوکول له مخې معمولې او اساسي درملنې تجویزول او د ناروغ د وزن پر بنسټ د درملو دوز مراعاتول.

●د شدیدو او پېچلو قضیو تعقیبول.

●د اړتیا سره سم د طبي درملنې سمون او بدلون.

●د ثبت کتاب له مخې د نویو داخل شوو، رخصت شوو او حاضر شویو ناروغانو شمېر راټولول.

●د باکیفیته طبي پاملرنې د ډاډ لپاره له نرسانو او قابلو سره په همکارۍ کار کول.

●د ټیم د غړي په توګه کار کول او د ناروغانو غیرطبي ستونزې (د تغذیې او پالنې ستونزې) په پام کې نیول.

●د هر ناروغ انفرادي کارت د طبي معلوماتو په ثبتولو سره سم او بشپړ ډکول.

●نرس ته د ناروغ د طبي پاملرنې او ځانګړې څارنې په اړه روښانه لارښوونې ورکول.

●ماشومان او امیندوارې او شیدې ورکوونکې ښځې (PLWs) د شدیدې او منځنۍ حادې خوارځواکۍ (SAM&MAM) لپاره معاینه کول او پېچلې قضیې روغتیايي مرکزونو (HFs) ته راجع کول.

●د شدیدې حادې خوارځواکۍ (SAM) پېچلې قضیې او د ماشومانو ناروغۍ راجع روغتون ته لېږل.

●د روغتیايي پروګرام ټیم له خوا ټاکل شوو د روغتیايي مرکزونو شاوخوا د پوښښ سیمو په درېیمه کچه کې ګټه‌اخیستونکو ته معالجوي درملنه برابرول.

●له پروګرامه پاتې شوو ناروغانو تعقیبول او ورته درملنه برابرول یا روغتیايي مرکزونو ته یې راجع کول.

●هفتني او میاشتني راپورونه برابرول او په وخت یې له مستقیم مدیر سره شریکول.

●له ملاتړ شوو روغتیايي مرکزونو څخه د میاشتنیو راپورونو د معلوماتو په راټولولو کې د پروګرام له ټیم سره مرسته.

●د ټولنې د بسیج په کمپاینونو کې ګډون او د ټولنې د روغتیايي کارکوونکو (CHWs) راپورونه راټولول.

●په منظم ډول مستقیم مدیر ته د توکو غوښتنه وړاندې کول او د ګرځنده ټیم لپاره د معالجوي خوړو او درملو په ګډون د اړتیا وړ توکو شتون ډاډمنول.

●د INTERSOS او د روغتیا وزارت (MoH) موخو د ترلاسه کولو لپاره د ګرځنده ټیم له غړو سره همکاري.

●د څارونکي له خوا د سپارل شوو نورو دندو ترسره کول.

په طب یا نورو مرستندویه طبي څانګو کې د پوهنتون لوړې زده‌کړې. د عامې روغتیا سند غوره ګڼل کېږي. په بشري سکتور کې د طبي ډاکتر په توګه لږ تر لږه 2 کاله اړونده کاري تجربه. د روغتیا او تغذیې سکتورونو د څارنې له وسایلو او سیستمونو سره د کار تجربه. په انګلیسي، پښتو او فارسي (افغانستان) ژبو مهارتونه اړین دي. د کمپیوټر بنسټیز مهارتونه (Word، Excel او انټرنېټ). د INTERSOS اصولو ته ژمنتیا. د INTERSOS ټولې اړوندې تګلارې او کړنلارې مراعاتول. د کارکوونکو په روزنه او ظرفیت لوړونه/پرمختګ کې تجربه غوره ګڼل کېږي. د خدمتونو د وړاندې کولو ځای ته د سفر او شپې تېرولو وړتیا او چمتووالی. د رهبرۍ، ټیمي کار او همکارۍ مهارتونه غوره ګڼل کېږي. د راپور او پروپوزل لیکلو ښه مهارتونه غوره ګڼل کېږي.

درنو غوښتونکو، مهرباني وکړئ لاندې لینک ته لاړ شئ او اړین معلومات ډک کړئ.

https://forms.gle/EyevWj2JMCwYkoD26

پام وکړئ چې یوازې له لنډ لېست شوو نوماندانو سره اړیکه نیول کېږي او ازموینې/مرکې ته بلل کېږي.

INTERSOS د جنسیت، تابعیت او کلتور له مخې د کارکوونکو د تنوع رامنځته کولو ته ژمن دی. د اقلیتونو، بومي ډلو او معلولیت لرونکي کسان هم په برابره توګه غوښتنلیک ته هڅول کېږي.