د ICU متخصص ډاکټر

د دندې لنډیز: د جدي پاملرنې څانګې (ICU) متخصص د بستر شویو ناروغانو د منظمې معاینې، د تاریخچې بشپړولو، فزیکي معاینې، لابراتواري ازموینو، د ناروغانو د مدیریت او درملنې، په خدمت کې د روزنو د ګډون او نویو کارکوونکو د روزنې مسئول دی؛ خو مسئولیتونه یوازې په دې چارو نه محدودېږي.

د ګډون لازمي معیارونه او وړتیاوې

• د افغانستان تابعیت لرل.
• له ثبت شوي پوهنتون څخه د طب MD سند لرل.
• د عامې روغتیا وزارت یا لوړو زده‌کړو وزارت له خوا تایید شوی د تخصص سند.
• د عمومي داخله، عمومي جراحي یا انستیزیا متخصص وي (د عمومي داخلې متخصص ته لومړیتوب ورکول کېږي).
• د افهام او تفهیم ښې وړتیاوې.
• له ناروغانو، مراجعینو او همکارانو سره ښه چلند.
• په پښتو، فارسي او انګلیسي کې د لیکلو، لوستلو او خبرو عالي مهارتونه.
• د کمپیوټر بنسټیز مهارتونه، په ځانګړې توګه MS Office.

ریفرینس: د بست د ازموینې پوښتنې د لاندې کتاب له منځپانګې جوړېږي

"Paul L. Marino MD PhD FCCM - Marino’s The ICU Book_ Print + eBook with Updates (ICU Book Marino)-LWW (2013).

مسؤلیتونه

• د بستر شویو ناروغانو تاریخچه اخیستل او اړوند اسناد بشپړول.
• د ناروغ د اړتیا پر بنسټ فزیکي معاینه کول.
• د ناروغ د اړتیا، لارښودونو او فورمو سره سم د لابراتواري او رادیولوژۍ ازموینو ترسره کول، تحلیل او تفسیر.
• د اړتیا او د ICU د مسئول د لارښوونې سره سم منظم کلینیکي ویزیتونه کول.
• د تاریخچې، فزیکي معاینې او لابراتواري پایلو له مخې دقیق تشخیص کول.
• د تشخیص او اړتیا سره سم د بستر شویو ناروغانو درملنه سپارښتنه او اداره کول.
• په ICU کې اړوند پروسیجرونه په ناروغانو په سمه توګه تطبیقېږي، ډاډ ترلاسه کول.
• د جدي ناروغانو مشوره، اداره او د وضعیت له مخې منظم تعقیب.
• د معلوماتو د راټولولو له مېتودونو او وسایلو سره سم په راټولولو کې مرسته.
• د نویو کارکوونکو او محصلانو (ټریني) په روزنه کې فعاله ونډه.
• په ورځنیو دندو کې د ځانګړو معیارونو، پروتوکولونو، کړنلارو او مقرراتو مراعات.
• د خپل مسلکي ظرفیت لوړول او ټاکل شویو روزنیزو پروګرامونو کې ګډون.
• د معیارونو لپاره د کاري پلان (Action Plan) په جوړولو او د ICU د معیارونو په ربع‌واره کتنه کې ګډون.
• په ICU کې ناروغانو او پایوازانو ته وقایوي او لومړنۍ روغتیايي مشورې ورکول.
• د وېشني مهال‌وېش له مخې د شپې نوکریوالي.
• په ICU او روغتون کې د انتان د کنترول او مخنیوي په چارو کې فعاله ونډه.
• د پروژې د آمر او ICU د مسئول له خوا سپارل شوې نورې دندې ترسره کول.
• د ICU انچارج ته مسئول او ځواب ویونکی پاتې کېدل.

درانه نوماندان کولای شي خپل CV ټاکل شوې برېښنالیک پتې ته ولېږي، یا د خپل CV چاپ شوې کاپي د عامې روغتیا وزارت د کارکوونکو چارو ریاست د اعلانونو او کاري موندنې عمومي مدیریت ته وسپاري.