د بشري سرچینو همغږی کوونکی

International Assistance Mission (IAM) یوه نړیواله غیرحکومتي اداره ده چې په سویس کې ثبت ده (د ثبت شمېره #CH-660-1239000-6) او په افغانستان کې هم ثبت شوې ده (د ثبت شمېره #001). IAM په افغانستان کې له تر ټولو پخوانیو غیرحکومتي ادارو څخه ده. IAM په 1966 کې د NOOR (National Organization for Ophthalmic Rehabilitation) د سترګو د درملنې پروګرام جوړ کړ، څو د افغانستان خلکو ته د سترګو لوړ کیفیت او ارزانه درملنې ته لاسرسی برابر کړي.

د دندې موخه:
د بشري سرچینو همغږی کوونکی به د NOOR Programme د بشري سرچینو ټولې چارې څاري او اداره کوي. پدې کې د وړتیاوو جذب، د کارکوونکو اړیکې، روزنه او پراختیا، د کړنو مدیریت، معاشونه او امتیازات او د IAM’s د بشري سرچینو له پالیسيو او طرزالعملونو سره مطابقت شامل دي.

وړتیاوې، مهارتونه او تجربه

تحصیلي سابقه

د بشري سرچینو، سوداګریزې ادارې، مدیریت، عامه ادارې یا اړوندې څانګې د لېسانس سند (په اړوندې څانګې کې ماسټري او/یا د بشري سرچینو مسلکي تصدیق غوره ګڼل کېږي).

مسلکي تجربه

لږ تر لږه 6 کاله په پرله‌پسې ډول د بشري سرچینو پرمختللې تجربه، غوره ده چې په ورته کاري چاپېریال کې وي.

تخنیکي مهارتونه

د بشري سرچینو مدیریت او اداره، د وړتیاوو جذب او استخدام، د کارکوونکو اړیکې او د شخړو حل، له اړوندو لورو سره د اړیکو مهارتونه، د اړیکو او همغږۍ مهارتونه، د قوانینو د رعایت او پالیسیو مهارتونه، د HR سیسټمونو او معلوماتو مهارتونه، د کړنو مدیریت، د خوندیتوب او د کارځای د چلند اصول، روزنه او د ظرفیت لوړونه.

د کلینیکي او غیرکلینیکي کارکوونکو د استخدام بشپړ بهیر څارل او اداره کول، چې د استخدام د پیل، د غوښتونکو د ارزونې، مرکو، د قرارداد جوړولو، د نويو کارکوونکو د آشنایۍ او د کارکوونکو د بشپړو شخصي دوسیو ساتلو چارې پکې شاملې دي.

د کارکوونکو د اندېښنو اورېدلو، شکایتونو اداره کولو، څېړنو ترسره کولو، شخړو حلولو، د IAM د پالیسیو سره سم د عادلانه او یو شان انضباطي بهیرونو ملاتړ او د پلټنې او قانوني موخو لپاره د اسنادو سم ساتلو له لارې د کارکوونکو اړیکې اداره کول.

په روغتونونو کې د کړنو د مدیریت سیسټم رهبري کول؛ د کړنو د موخو په ټاکلو، د آزمایښتي مودې ارزونو، منځمهالو او کلنیو ارزونو، نظریاتو وړاندې کولو، او د کارکوونکو د پراختیا او پرمختګ په پلانونو کې د مستقیمو مدیرانو ملاتړ.

د کارکوونکو معاشونه، امتیازات او کمک‌معاشونه اداره کول او د هغوی د دقت، داخلي عدالت او د IAM له پالیسیو سره د مطابقت ډاډ ترلاسه کول.

د IAM د بشري سرچینو له پالیسیو او روغتیايي مقرراتو سره بشپړ مطابقت یقیني کول.

د NOOR Programme مدیریت او کارکوونکو ته د بشري سرچینو د پالیسیو، طرزالعملونو، قراردادونو، کړنو، رفاه او خوندیتوب په اړه پرله‌پسې لارښوونه او ملاتړ برابرول.

د بشري سرچینو په بهیرونو کې د خوندیتوب اړخونه ځای پر ځای کول او د خوندي او درناوي لرونکي کارځای د رامنځته کولو ملاتړ کول؛ کارکوونکي د خوندیتوب له معیارونو، مناسبو راپور ورکولو لارو او د چلند له تمه شویو اصولو خبرول او د خوندیتوب اندېښنې د ادارې د طرزالعملونو له مخې اړوندو مسئولینو ته راجع کول.

د بشري سرچینو د معلوماتو د راټولولو سیسټمونه جوړول، ښه کول او ساتل، څو د راپورونو، پلان جوړونې او پرېکړو لپاره دقیق، پر وخت او باوري معلومات موجود وي.

د NOOR د ټولو کارکوونکو د شخصي سوابقو بشپړه اداره، ترتیب، دوسیه کول، تازه کول، تمدید او خوندي ساتنه څارل؛ د کار قراردادونه، شخصي معلومات، د کړنو سوابق، د روزنې تاریخچه او نور HR اسناد پکې شامل دي؛ ډاډ ترلاسه کول چې اسناد دقیق، تازه، محرم او د اړتیا په وخت کې د لاسرسي وړ وي.

کارکوونکو او مدیرانو ته د بشري سرچینو د پالیسیو، د کړنو د مدیریت، د کار قانون او د کارځای د چلند په اړه د HR اړوند روزنې همغږي کول او وړاندې کول.

له اړوندو حکومتي ادارو، لکه د عامې روغتیا وزارت (MoPH)، د کار او ټولنیزو چارو وزارت (MoLSA)، نورو چارواکو او پلټونکو سره اغېزمنې کاري اړیکې ساتل، څو له روزنیزو پروګرامونو، اعتبار ورکولو، قانوني مطابقت او اړینو اسنادو سره مرسته وشي.

په پروګرام کې د ریزیډنسي له مسئول سره په نږدې همکارۍ د اړوندو ټولو اسنادو اداره او همغږي کول.

د MoPH له تخصصي څانګو سره همکاري، څو د NOOR کارکوونکو لپاره روزنیز پروګرامونه، مسلکي پراختیا او اړوند اداري چارې اسانه شي.

International Assistance Mission (IAM) د برابر کاري فرصتونو رامنځته کولو او متنوع، ټول‌شموله، درناوي لرونکي او ملاتړ کوونکي کاري چاپېریال د پیاوړتیا ژمنه لري. IAM د بېلابېلو شالیدونو وړ نوماندان، د معلولیت لرونکو کسانو په ګډون، خپلو بستونو ته غوښتنلیک ورکولو ته هڅوي. موږ د لاسرسي وړ او عادلانه استخدامي بهیر ته ژمن یو او د اړتیا په صورت کې به د معلولیت لرونکو نوماندانو لپاره مناسبې اسانتیاوې برابروو، څو په بشپړ ډول د استخدام په بهیر کې ګډون وکړای شي.

د دې بست لپاره د غوښتنلیک پر مهال لاندې ټکو ته پام وکړئ

یوازې هغه غوښتنلیکونه منل کېږي چې په لاندې لینک کې د رسمي دندې غوښتنلیک فورم په کارولو سره سپارل شوي وي.

خپل تحصیلي اسناد د بشپړ شوي غوښتنلیک فورم سره یوځای د فورم په وروستي مخ کې ذکر شوي ایمیل ته واستوئ.

د ایمیل په موضوع کې د هغه بست نوم ولیکئ چې غوښتنلیک ورته ورکوئ، لکه "HR Coordinator (IAM/NOOR/202632)".

د غوښتنلیک فورم په بشپړ ډول ډک کړئ او تر 16 October 2026 پورې یې وسپارئ. له دې نېټې وروسته ترلاسه شوي غوښتنلیکونه نه ارزول کېږي.

استول شوی فایل او اسناد باید په خپل نوم ونوموئ.