ښځینه طبي ډاکټره (Female MD)

د موسسې په اړه

د خلکو د روغتیا د عمل موسسه (OPHA) یوه خپلواکه، غیرسیاسي، نادولتي او غیرانتفاعي موسسه ده چې د ۲۰۱۷ کال په اکتوبر میاشت کې تاسیس شوې او په رسمي توګه د اقتصاد او عامې روغتیا په وزارتونو کې ثبت ده. دا موسسه د افغانستان پرمختګ ته ژمنه ده او د روغتیا، ټولنیز پرمختګ، ظرفیت لوړونې او د ښځو او ځوانانو د پیاوړتیا پر پروژو تمرکز کوي.

د خلکو د روغتیا د عمل موسسه اوس مهال د عامې روغتیا وزارت په همکارۍ د لغمان او ننګرهار ولایتونو خلکو ته روغتیایي خدمتونه وړاندې کوي.

د دندې لنډیز

اصلي مسوولیتونه

• د ښځو معاینه د نسايي او داخله ناروغیو په برخو کې.
• د اړتیا په صورت کې له قابلې سره د زېږون مخکې معایناتو کې مرسته.
• له قابلو سره په اختلاطي زېږونونو کې مرسته.
• له زېږون وروسته د اختلاطي پېښو درملنه.
• د معیاري ثبت کتاب او شمېرنې پاڼې ډکول.
• د کیفیت د تضمین معیارونو او د روغتیایي خدمتونو د ښه والي د نورو نوښتونو رعایت.
• د خپل ځان او همکارانو علمي او مسلکي پوهه او مهارتونه لوړول.
• د اړتیا له مخې روغتیایي زده‌کړې ورکول.

د دندې تشریح

تر معاینې مخکې

• د معاینې وسایل او سامانونه د پاکوالي او سمون له پلوه کتل.
• د معاینې لپاره د ناروغانو منل.

معاینه

• د روغتیایي حالت کره او بشپړه مخینه اخیستل.
• دقیق فزیکي معاینه (د هرې ښځینه ناروغې لپاره لږ تر لږه 10 دقیقې).
• د تیتانوس د واکسین کارت کتل.

د ناروغۍ تشخیص

• د منل شوو پروتوکولونو له مخې د ناروغې درملنه.
• ناروغې ته د روغتیایي وضعیت، تشخیص او تجویز شوې درملنې تشریح.
• د ثبت کتاب او روغتیایي کارت ډکول.
• د جدي ناروغانو او هغو کسانو پېژندنه او راجع کول چې په کلینیک کې یې درملنه نه کېږي.
• که ښځې د تیتانوس واکسین نه وي اخیستی، د واکسین څانګې ته یې راجع کول.
• د اړتیا په صورت کې د بلې کتنې نېټه ټاکل.

له معاینې وروسته

• د اړتیا په صورت کې د وسایلو او سامانونو منظمول او پاکول.

نور

• د علمي او مسلکي پوهې او مهارتونو ښه کول.
• په روزنیزو سیمینارونو کې فعاله برخه اخیستل.
• د وړاندیزونو او ځینو موضوعاتو په ټاکلو د روزنیزو سیمینارونو ښه کول.
• د کار پر مهال د پروتوکولونو او سیمینارونو د مطالبو پلي کول.
• په روغتیایي مرکز کې د ښځو د روغتیایي شورا د جوړېدو ډاډ.

اړینې وړتیاوې

• د افغانستان تابعیت.
• له معتبرو کورنیو پوهنتونونو څخه د طبابت ډیپلوم (MD) او د طبي شورا ازموینه پاس کول.
• لږ تر لږه درې کاله د معالجوي طب تجربه.
• په دولتي روغتیایي مرکزونو یا غیردولتي روغتیایي موسسو NGO کې کاري تجربه امتیاز لري.
• سیمه‌ییزو نوماندانو ته لومړیتوب ورکول کېږي.
• د کار په سیمه کې په دودو ژبو د پوهولو او پوهېدو وړتیا.
• د ټولو اسلامي اصولو مراعات.
• بشپړ روغتیایي حالت.
• په دولتي روغتیایي مرکزونو او روغتیایي NGO ګانو کې تجربې ته لومړیتوب ورکول کېږي.

نور مهارتونه: په دري او پښتو ژبو ښه مهارتونه، د خبرو، د ستونزو د حل او ټولنیزو مهارتونو وړتیا، د ټولنیزو او رواني‌ټولنیزو ستونزو د درملنې پلان جوړول او مسلکي ارتباطي مهارتونه.

ممنوعیتونه

• د مسوول شخص له مخکې موافقې پرته د OPHA په استازیتوب څرګندونې یا استازیتوب کول.
• د OPHA د شتمنیو د شخصي موخو لپاره کارول.
• د درملو یا الکولو د استعمال له امله په غیرعادي حالت کې دندې ته راتلل یا د دندې پر مهال د هغو انتقالول.
• نور ممنوعیتونه د کارکوونکو په داخلي طرزالعمل کې د انضباطي معیارونو له مخې درج دي.

OPHA د خپلو کارکوونکو له خوا خدمت ترلاسه کوونکو ته د جنسي استثمار او ناوړه ګټې اخیستنې (SEA)، جنسي ځورونې، له واک څخه ناوړه ګټې اخیستنې او تبعیض په اړه د صفر زغم سخته پالیسي لري. OPHA د ماشومانو د ساتنې سختو اصولو ته هم ژمنه ده.

ټول کارکوونکي، د غوره شوو نوماندانو په ګډون، باید دا معیارونه او اصول هر وخت پوره مراعات کړي. د خوندي او اخلاقي کاري چاپېریال لپاره ټول غوره شوي نوماندان به د پخواني جنسي استثمار او ناوړه ګټې اخیستنې او د ماشومانو د خوندیتوب د اصولو د سرغړونو په اړه د مراجعو او مخینې له جدي پلټنو تېرېږي. د ټاکنې پر مهال کېدای شي اضافي معلومات هم وغوښتل شي.

معلولیت لرونکي کسان دې دې بست ته غوښتنلیک ورکړي.

OPHA د تنوع، برابرۍ او ټول‌شمولیت وده ته ژمنه ده. له ټولو وړ کسانو، د هغوی له مخینې پرته، غوښتنلیک ورکولو ته هرکلی کېږي. په ځانګړې توګه معلولیت لرونکي کسان هڅول کېږي او موسسه د عادلانه، د لاسرسي وړ ګومارنې بهیر او ټول‌شموله کاري چاپېریال برابرولو ته ژمنه ده.

له هغو وړ نوماندانو څخه چې په بشپړ ډول پورته معیارونه پوره کوي غوښتنه کېږي خپل ژوندلیک (CV) د ورکړل شوي برېښنالیک له لارې واستوي یا د لغمان ولایتي دفتر ته یې وسپاري.

مهرباني وکړئ د برېښنالیک موضوع په عین ډول Female MD, Vacancy No. 2026/153 ولیکئ؛ که نه غوښتنلیک به مو نه ارزول کېږي.

پام: یوازې له غوره شوو نوماندانو سره به د لیکلې ازموینې/مرکې لپاره اړیکه ونیول شي او تر وروستۍ نېټې وروسته رسېدلي غوښتنلیکونه نه ارزول کېږي.

یادونه: غوښتنلیکونه په روان ډول ارزول کېږي او د کافي وړ نوماندانو له ترلاسه کولو وروسته کېدای شي دا بست تر وروستۍ نېټې مخکې وروستی شي.

د لغمان ولایتي دفتر پته: دویمه ناحیه، د دنیا ګل جومات سړک، د سلطان غازي بابا ښارګوټی، د کور شمېره 356، مهترلام، د لغمان ولایت مرکز