د ټولنې ښځینه روغتیايي څارونکې (اناث)

د ادارې په اړه

مؤسسه نهاد زنان افغانستان (AFV) یو غیرانتفاعي، نادولتي، غیرسیاسي او بشري بنسټ دی چې د افغانستان د اقتصاد په وزارت کې ثبت شوی. AFV له ۱۹۹۲ کال راهیسې په افغانستان کې د پوهنې، روغتیا، څښاک اوبو او حفظ‌الصحې، د مسلکي مهارتونو د ودې او د بشري بېړنیو پېښو ته د ځواب ویلو په برخو کې فعالیت کوي. AFV په کابل کې یو مرکزي دفتر او په ټول هېواد کې له ۲۰۰ ډېرو سیمه‌ییزو کارکوونکو سره دوامدارې مرستندویه پروژې پلي کوي، په تېره بیا په کلیوالو سیمو کې د هغو ماشومانو او کورنیو ملاتړ کوي چې له ژورې بېوزلۍ سره مخ دي. AFV اوس مهال له ۲۰ ډېرو مرستندویه پروګرامونو له لارې هر کال په ټول هېواد کې له ۲۵۰۰۰۰ ډېرو کسانو ته بشري خدمتونه رسوي. دغه بنسټ په کابل، کندز او غزني ولایتونو کې پنځو ښوونځیو ته مالي او تخنیکي ملاتړ برابروي، په ځینو ولایتونو کې د لرې پرتو بېوزلو ټولنو لپاره د پاکو څښاک اوبو شبکې جوړوي، په کابل کې د اتو روغتیايي کلینیکونو (BHCs) ملاتړ کوي او په پکتیا، پکتیکا، بغلان، هرات او کونړ کې په لرو پرتو او له طبیعي پېښو سره مخ سیمو کې بشري او د ژمي بېړنۍ مرستې رسوي.

د دندې لنډیز

د ټولنې روغتیايي څارونکې د روغتیايي مرکز د ټیم غړې ده چې د ټولنې روغتیايي کارکوونکو (CHWs) د فعالیتونو د څارنې، ملاتړ او همغږۍ مسؤلیت لري. هغه د CHWs فعالیتونه څاري، د دندو په اغېزمن ترسره کولو کې لارښوونه او ملاتړ کوي او ډاډ ترلاسه کوي چې هغوی خپل کاري او روغتیايي پلانونه په سمه توګه جوړوي او پلي کوي. د درملو د کیټونو او نورو اړینو توکو د شتون، وضعیت او اړتیاوو د ارزونې لپاره منظمې ناستې کوي او د هغو په چمتو کولو کې همکاري کوي. د CHWs د کار راپورونه راټولوي، څېړي او اړونده مسؤول ته یې وړاندې کوي، او د هغوی روزنیزې، تخنیکي او کاري اړتیاوې پېژني. له روزونکو او تعلیمي مسؤولینو سره د CHWs د ظرفیت لوړولو کې مرسته کوي. د ټولنې روغتیايي شوراګانې او شبکې جوړوي او پیاوړې کوي؛ د روغتیايي مرکز له کارکوونکو او ټولنې استازو سره ستونزې پېژني، لومړیتوبونه ټاکي او حللارې لټوي. د ټولنې د روغتیا د ښه‌والي مناسب پروګرامونه له روغتیايي ټیم سره پلانوي، تنظیموي، پلي کوي، څاري او ارزوي؛ روغتیايي ستونزې او ننګونې پېژني او د حل لپاره یې همغږي او اړین اقدامات کوي.

اساسي دندې او مسؤولیتونه (Key Duties and Responsibilities)

تخنیکي دندې (Technical Tasks)

۱. د CHWs روزنه او ظرفیت لوړونه

• په کارځای او میاشتنۍ ضمن‌خدمت روزنه (In-Service Training) کې د ټولنې روغتیايي کارکوونکو (CHWs) ته اړینې لارښوونې او روزنه ورکوي.
• د CHWs کړنې په منظم ډول څاري، د روزنې اړتیاوې یې پېژني او د اړینو روزنو لپاره یې ورپېژني.
• د CHWs د کاري پلانونو په چمتو کولو او تطبیق کې لارښوونه او ملاتړ کوي.

۲. ملاتړ، څارنه او سرپرستي

• د روغتیايي مرکز کارکوونکو سره د مرکز او د پوښښ ساحې د ټولنې روغتیا پروګرامونو د پلانونو په جوړولو کې مرسته کوي.
• تر پوښښ لاندې ساحه کې د ټولنې روغتیايي پروګرام فعالیتونه پلي کوي، څاري او ارزوي.
• هغه ستونزې او ننګونې پېژني چې د موخو لاسته راوړل اغېزمنوي او ژر یې د روغتیايي مرکز آمر ته راپور ورکوي.
• له CHWs سره میاشتنۍ څارنیزې ناستې کوي.
• د CHWs په کیټونو کې د اړینو وسایلو او توکو د منظم چمتو کولو او بدلون ډاډ ترلاسه کوي.
• د CHWs د کړنو د ارزونې او ملاتړ لپاره د هغوی ټولنیزو کاري ځایونو ته منظمې لیدنې کوي.
• د CHWs ترمنځ ډله‌ییز کار او همغږي هڅوي، په ځانګړي ډول کله چې یوه ګډه ساحه کې فعالیت کوي.
• د CHWs منظم فعالیتي راپورونه د مرکز د روغتیايي معلوماتو مدیریت سیسټم مسؤول ته سپاري.
• د CHWs لخوا د معلوماتو، راجسترونو، ټولنیزو نقشو او نورو اسنادو د ثبت کیفیت څاري او د اړتیا په صورت کې لارښوونه او ملاتړ کوي.

۳. راپور ورکول او د معلوماتو مدیریت

• د CHWs د میاشتنيو فعالیتونو راپورونو (MARs) او د روغتیايي مرکز د میاشتني فعالیت راپور (MAAR) د بشپړېدو څارنه کوي.
• د CHWs میاشتني راپورونه (MARs) راټولوي او یوځای کوي او د روغتیايي مرکز له آمر سره د میاشتني راپور په جوړولو کې مرسته کوي.
• د روغتیايي پروګرامونو د پرمختګ لپاره د ګرافونو او نورو لیدیزو څارنیزو وسایلو په چمتو کولو او تازه کولو کې مرسته کوي.
• د ټولنې روغتیا اړینې سروې ترسره او څاري.
• د روغتیايي شوراګانو له معلوماتو او راپورونو د ټولنې د روغتیا د وضعیت د څارنې لپاره کار اخلي او مهمې موندنې د روغتیايي مرکز مسؤول ته راپوروي.

۴. له ټولنې سره همکاري او غونډو کې ګډون

• د ټولنې د روغتیايي شوراګانو په جوړولو او پیاوړتیا کې مرسته کوي.
• د BPHS خدمتونو او د ټولنې د روغتیايي اندېښنو په اړه د پوهاوي او پېژندنې غونډې جوړوي.
• د ټولنې پر بنسټ روغتیايي فعالیتونه اسانه او همغږي کوي او په تطبیق کې یې همکاري کوي.
• له CHWs سره د ټولنې د ملاتړ هڅونه او پیاوړتیا کوي.
• د ټولنې د نظرونو، وړاندیزونو او اندېښنو د ترلاسه کولو او د روغتیايي مرکز آمر ته د لېږد زمینه برابروي.

۵. نورې دندې

• د صلاحیت لرونکو چارواکو، دفتر مدیریت یا د روغتیايي مرکز آمر له خوا سپارل شوې نورې اړوندې دندې ترسره کوي.

د روغتیايي مرکز ټاکل شوې روغتیايي څارونکې باید د ۱۲ ټولګي فارغه وي.

په نرسنګ کې مسلکي وړتیا ته لومړیتوب ورکول کېږي.

لږ تر لږه درې کاله په BPHS کې کاري تجربه.

لږ تر لږه ۲ کاله د ټولنې د روغتیايي څارونکې په توګه کاري تجربه.

د اغېزمنو اړیکو او افهام او تفهیم مهارتونه.

د روغتیايي مرکز د مدیریت او همغږۍ غوره مهارتونه.

د ورځنیو ستونزو د حل مهارت او د بحراني حالاتو لپاره چمتووالی او د بحران مدیریت.

له رسمي وخت وروسته د کار چمتووالی.

له ټولنې سره د ښو او سالمو اړیکو مهارت.

په عمل کې بنسټیز ارزښتونه

مؤسسه نهاد زنان افغانستان (ای ایف وي) د منل شویو ارزښتونو او اصولو په لومړیتوب سره له خپلو کارکوونکو، کاري شریکانو او د پروګرامونو له ګټه‌اخیستونکو ساتنه کوي. د AFV ټول کارکوونکي باید د درغلۍ او فساد ضد پالیسي او د ماشومانو د خوندیتوب پالیسي ولولي، ښه یې درک او لاسلیک کړي. د AFV په کاري چاپېریال کې د ماشومانو ځورونه، درغلي، فساد، له واک څخه ناوړه ګټه اخیستنه، تبعیض او ځورول په کلکه منع دي. کاري شریکان او نور اړوند کسان باید دغه اصول مراعات کړي.

وړ غوښتونکي کولای شي خپل غوښتنلیک/ژوندلیک لاندې ایمیل ته ولېږي. په موضوع کې دې د بست نوم او د بست د اعلان شمېره ولیکل شي. یوازې په لنډ لېست کې شامل نوماندان به د راتلونکو پړاوونو لپاره په پام کې ونیول شي. هغه کسان چې د اېګزیټ ازموینه یې په بریالیتوب تېره کړې وي، د اېګزیټ سند کاپي دې هم ضمیمه کړي.

([email protected])