د ناورین د خطر کمولو او د وختي خبرتیا سیستمونو متخصص

د سازمان په اړه

Citizen Organization for Advocacy and Resilience، COAR (پخوانی نوم Coordination of Afghan Relief) یوه افغان، خپلواکه، غیرسیاسي، بې‌طرفه او غیرانتفاعي موسسه ده چې په 1989 کې جوړه او د اقتصاد وزارت سره په رسمي ډول ثبت شوې ده.  COAR د بشري مرستو تمویلوونکو او کلیوالو افغان ټولنو ترمنځ چې شاوخوا څلور لسیزې جګړو، داخلي شخړو، طبیعي او انساني ناورینونو او پېچلتیاوو سختې اغېزمنې کړې دي، فعاله اړیکه جوړوي. COAR هڅه کوي هغو کسانو ته ورسېږي چې خدمتونه نه وررسېږي، د ټولنو د مقابلې سیمه‌ییزې وړتیاوې پیاوړې کړي څو د خپلو ستونزو دوامدارې سیمه‌ییزې حل‌لارې ومومي او ځان‌بسیاینه او پایښت ته وهڅول شي. COAR له ټولنو سره کار کوي چې خپلې لږې او محدودې سرچینې په اغېزمنه او سپما لرونکې توګه وکاروي او د ناورینونو او سختې بېوزلۍ له حالاتو پرته پر مرستو د تکیې کلتور کم کړي. COAR د خپلواکۍ، بې‌طرفۍ او ناپېیلتوب د بشري اصولو په سخت رعایت سره د ګټه‌اخیستونکو بنسټیزو خدمتونو ته لاسرسی ساتلی دی.

د دندې لنډیز

د دندې موخه
د ناورین د خطر کمولو (DRR) متخصص به په کندهار او هلمند ولایتونو کې د DRR فعالیتونو پلان جوړونه، پلي کول، څارنه او راپور ورکول رهبري کړي او تخنیکي ملاتړ به ورکړي. موخه دا ده چې د خطر پر بنسټ پلان جوړونې، چمتووالي، د خطر د اغېزو کمولو، وختي خبرتیا او د ټولنې پر بنسټ د ناورین د خطر د مدیریت له لارې د ټولنو مقاومت د COAR پالیسۍ او پروژوي موخو سره سم پیاوړی شي.
دندې او مسؤولیتونه
1. لومړني مسؤولیتونه
• د تصویب شوو کاري پلانونو، بودیجو، مهال‌وېش، پروژوي موخو او د UNDP معیارونو او شرطونو له مخې د DRR فعالیتونو پلان جوړونه، همغږي او تطبیق.
• د ټولنې پر بنسټ د خطر د کمولو نوښتونو ملاتړ، په شمول د خطر پوهاوي، د چمتووالي پلانونو، د اغېزو کمولو تدابیرو او تاب‌آورۍ پیاوړتیا.
• ساحوي سفرونه کول او پروژوي ټیمونو او ټولنو ته تخنیکي لارښوونه ورکول، څو کیفیت لرونکی تطبیق او د ننګونو پر وخت حل یقیني شي.
• په هدف ولسوالیو کې د ټولنې غړو ته د وختي خبرتیا سیستمونو (EWS) په اړه روزنې ورکول، په شمول د خطر پېژندنه، د وختي خبرتیا پیغامونه، اړیکو لارې، او د بېړنیو حالاتو مخکې، پر مهال او وروسته مناسب ګامونه.
2. تخنیکي ملاتړ او تخصص
• په څلورو هدف ولسوالیو کې د څو خطرونو د وختي خبرتیا سیستم (MHEWS) د تجهیزاتو او وسیلو د نصب، تنظیم، ازموینې او فعالولو تخنیکي ملاتړ د UNDP له تخنیکي معیارونو، مشخصاتو او لارښوونو سره سم.
• له اړوندو تخنیکي خواوو سره همغږي، څو MHEWS تجهیزات سم نصب، فعال، وازمویل او وسپارل شي؛ د ټولنې غړو ته یې د خوندي کارونې، ابتدايي ساتنې او پر وخت د خبرداري خپرولو کې مرسته.
• له UNDP او اړوندو خواوو سره د خطرونو، زیانمننې، ظرفیتونو او د ناورین خطر ارزونه ترسره کول یا یې ملاتړ؛ د خطر سره مخ ټولنې او لومړنۍ اړتیاوې پېژندل.
• د پروژې موخو سره سم د ټولنې د ناورین د خطر مدیریت پلانونو، د چمتووالي تدابیرو او مناسبو سیمه‌ییزو خطر کمولو کړنو د جوړولو او پلي کولو ملاتړ.
• د وختي خبرتیا او ژر اقدام فعالیتونو کې برخه اخیستل، په شمول د ټولنې پوهاوی، د خبرتیا معلوماتو خپرول او د چمتووالي کړنو همغږي.
3. همغږي او همکاري
• له اړوندو ولایتي او ولسوالیزو چارواکو، په شمول د ناورین مدیریت او سکتوري ادارو، او د ټولنو له مشرانو او سیمه‌ییزو جوړښتونو سره همغږي.
• په ساحوي، ولسوالیزه او ولایتي کچه د تمویلوونکي سره اغېزمنه همغږي؛ د تطبیق د پرمختګ او عملیاتي ننګونو په اړه منظمې اړیکې او د فعالیتونو د توافق شوو ترتیباتو سره برابرول.
• د COAR له پروګرام، MEAL، مالیې، لوژستیک او نورو اړوندو ټیمونو سره همکاري ساتل، څو ګډ تطبیق او د UNDP پروژوي شرطونو رعایت یقیني شي.
• له نادولتي موسسو، بشري فعالانو، ټولنیزو سازمانونو او نورو شریکانو سره اړیکې، څو معلومات شریک، تکراري کار مخنیوی او همغږي DRR کړنې پیاوړې شي.
4. څارنه او راپور ورکول
• د COAR د طرزالعملونو او تمویلوونکي د راپور ورکولو شرطونو سره سم دقیق ساحوي معلومات، د فعالیتونو ریکارډونه، د ګټه‌اخیستونکو/ټولنو معلومات او ملاتړي اسناد راټولول، تصدیقول او ساتل.
• د تصویب شوو پلانونو او شاخصونو سره د فعالیتونو پرمختګ څارل؛ د تطبیق تشې، خطرونه، زده‌شوي درسونه او د ښه‌والي سپارښتنې پېژندل او مهمې ستونزې مستقیم مدیر ته رسول.
• د مستقیم مدیر او د UNDP د راپور ورکولو شرطونو سره سم پر وخت دقیق ساحوي معلومات، فعالیتي راپورونه، ارزونې پایلې، د بریا کیسې او نور راپورونه چمتو کول.
5. د پالیسیو رعایت
• د COAR پالیسۍ، طرزالعملونه، د کارکوونکو د چلند اصول او د پروژې او تمویلوونکي ټول لازم شرطونه رعایتول.
• په ټولو فعالیتونو کې د خوندیتوب، د ماشومانو ساتنې (که تطبیقېږي)، د جنسي استثمار او ناوړه ګټې اخیستنې مخنیوي (PSEA)، حفاظت، شمولیت او زیان نه رسولو اصول مراعتول.
• له ټولنو سره درناوی لرونکې، خوندي او ټولشموله همکاري؛ د محرمو معلوماتو ساتنه او د خوندیتوب اندېښنو یا شکمن ناسم چلند پر وخت راپور ورکول د منظور شوو لارو له مخې.
6. نورې دندې
• د ظرفیت لوړونې روزنو، ټولنیزو غونډو، عامه پوهاوي کمپاینونو، تمرینونو او نورو هغو فعالیتونو ملاتړ چې د پروژې د DRR موخو سره تړاو لري.
• د پروژې سرچینې، د MHEWS تجهیزات او مواد په مسؤولانه توګه کارول او د نصب، چلولو، ساتنې او سپارلو اړوند اسناد د پروژې د شرایطو او UNDP لارښوونو سره سم ساتل.
• د مستقیم مدیر له خوا سپارل شوې نورې معقولې، له بست سره تړلې دندې د مسؤولیتونو او پروژوي ساحې په چوکاټ کې ترسره کول.

وړتیاوې او مهارتونه

• تعلیم: د ناورین مدیریت، چاپېریالي علومو، ساختماني انجینرۍ، کرنې، چاپېریالي علومو، پراختیایي مطالعاتو، د اوبو سرچینو مدیریت یا بلې اړوندې څانګې لیسانس. د DRR، اقلیمي سازګارۍ او بېړني چمتووالي مسلکي روزنه امتیاز دی.

• تجربه: د ناورین د خطر کمولو، د ټولنې تاب‌آورۍ، بېړني چمتووالي، وختي خبرتیا، بشري یا ټولنې پر بنسټ پروګرامونو کې لږ تر لږه 4 کاله تجربه. په افغانستان کې له ټولنو او حکومتي چارواکو سره کاري تجربه امتیاز دی.

• مهارتونه: د DRR مفاهیمو او ټولنې پر بنسټ چلندونو ښه پوهه؛ پیاوړې همغږي، اړیکې، د غونډو اسانتیا او راپور لیکنه؛ د ساحوي معلوماتو راټولولو او تحلیل وړتیا؛ پلان جوړونه او ستونزې حل؛ په MS Office کې مهارت؛ په فارسي او/یا پښتو روانې خبرې. انګلیسي امتیاز دی.

د کندهار او هلمند ولایتونو اوسېدونکي وړ او لېوال نوماندان په کلکه غوښتنلیک ورکولو ته هڅول کېږي.

د غوښتنلیک د سپارلو لپاره لاندې لینک کېکاږئ: https://coar.org.af/jobs-single?id=54