د غوښتونکو لپاره بلنه (د څېړنې د میتودولوژۍ او د معلوماتو راټولولو په روزنه کې ګډون)

د افغانستان د بیارغونې لپاره د ځوانانو ټولنه (Youth Assembly for Afghanistan Rehabilitation – YAAR) یوه افغان اداره ده چې په افغانستان کې د ټولنو د بیارغونې، پرمختګ او هوساینې لپاره کار کوي. YAAR د خپلو پروګرامونو او همکاریو له لارې د ټولنو د ظرفیتونو د پیاوړتیا، بنسټیزو خدمتونو ته د لاسرسي د ښه والي، د شواهدو د رامنځته کولو او د پایدار او د سیمه‌ییزو اړتیاوو سره سم پرمختګ د ملاتړ لپاره فعالیت کوي.

د څېړنې، شواهدو رامنځته کولو، څارنې، ارزونې او زده‌کړې لپاره د ملي او سیمه‌ییز ظرفیت د پیاوړتیا د ژمنتیا د یوې برخې په توګه، YAAR غواړي د داسې وړ روغتیایي مسلکي کسانو یوه ډله وروزي چې د څېړنې د میتودولوژۍ او د لوړ کیفیت ساحوي معلوماتو راټولولو عملي پوهه او مهارتونه ولري.

د YAAR په اړه نور معلومات د ادارې په وېبپاڼه کې شته: YAAR – Youth Assembly for Afghanistan Rehabilitation.

د روزنې فرصت

له وړ روغتیایي مسلکي کسانو څخه چې د څېړنې د میتودولوژۍ، ساحوي څېړنې او د معلوماتو راټولولو په درې ورځني لنډ روزنیز پروګرام کې د ګډون لېوالتیا لري، غوښتنلیکونه منل کېږي.

د روزنې موخه دا ده چې د ګډونوالو عملي پوهه او مهارتونه په هغو معلوماتو راټولولو کې پیاوړي کړي چې د لوړ کیفیت کمّي او کیفي روغتیایي څېړنو لپاره کارېږي. هغه ګډونوال چې روزنه په بریالیتوب بشپړه کړي، ښایي د پروژې د اړتیاوو او جلا ټاکنیزې پروسې له مخې په راتلونکو څېړنیزو، سروې، څارنې، ارزونې یا د معلوماتو راټولولو دندو کې په پام کې ونیول شي.

په روزنه کې ګډون د کار وړاندیز نه ګڼل کېږي او د راتلونکي استخدام یا ګومارنې ضمانت نه کوي.

د ګډونوالو شمېر

د روزنې لپاره به محدود شمېر نارینه او ښځینه غوښتونکي غوره شي.

نارینه او ښځینه غوښتونکي به په جلا ډول وارزول شي. په دې پړاو کې دا شرط نشته چې نارینه او ښځینه د جوړې یا مېړه او مېرمنې په توګه غوښتنه وکړي یا ګډون وکړي.

د روزنې برخې

تمه ده چې روزنه ګډونوال د روغتیایي څېړنې او ساحوي معلوماتو راټولولو له بنسټیزو اصولو او اړینو عملي مهارتونو سره بلد کړي، چې لاندې برخې پکې شاملې دي:

• روغتیایي څېړنې او د څېړنې میتودولوژۍ ته پېژندنه.
• د کمّي او کیفي څېړنو بنسټیز اصول.
• د څېړنې پوښتنې، موخې، شاخصونه او متغیرونه.
• د څېړنې نفوس او کیفي نمونې اخیستنه.
• د معلوماتو راټولولو بېلابېلې طریقې.
• جوړښتي او نیمه‌جوړښتي مرکې.
• له کلیدي معلومات ورکوونکو سره مرکې او د کیفي مرکې تخنیکونه.
• د روغتیایي مرکزونو او خدمتونو وړاندې کولو مشاهده.
• د پوښتنلیکونو تطبیق.
• د مرکې تخنیکونه او د ژورو معلوماتو ترلاسه کولو پوښتنې.
• له بشپړو معلوماتو وروسته رضایت او رضاکارانه ګډون.
• د څېړنې اخلاق او محرمیت.
• شخصي حریم او له ځواب ویونکو سره درناوی لرونکی چلند.
• د خوندیتوب او «زیان مه رسوئ» اصول.
• له ښځو، ماشومانو، ناروغانو، پالونکو، روغتیایي کارکوونکو او نورو احتمالي زیان‌منونکو ځواب ویونکو سره کار.
• د مرکه کوونکي له تعصب او جهت ورکوونکو پوښتنو ډډه کول.
• د ځواب ویونکو د ځوابونو دقیق ثبتول.
• د معلوماتو د کیفیت ډاډ او د بشپړتیا ارزونه.
• د معلوماتو راټولولو د عامو تېروتنو پېژندنه او سمون.
• د برېښنایي یا له لرې واټن څخه د معلوماتو راټولولو پېژندنه.
• د برېښنایي پوښتنلیکونو بشپړول، بیاکتنه، خوندي کول او سپارل.
• د ساحوي ټیم اړیکې او همغږي.
• ورځني ساحوي راپورونه او مستندسازي.
• له ساحوي ننګونو او ناڅاپي حالاتو سره چلند.
• د معلوماتو راټولوونکو مسلکي چلند.
• عملي تمرینونه، د رول لوبولو تمرینونه، تمثیلي مرکې او تر څارنې لاندې عملي تمرین.

غوښتونکي باید لاندې شرایط پوره کړي

زده‌کړې

غوره ده چې نارینه غوښتونکي وړ طبي ډاکټران (MDs) وي.

ښځینه غوښتونکې کولای شي وړې طبي ډاکټرانې (MDs) یا قابلې وي.

د عامې روغتیا، ایپیډیمیولوژۍ، څېړنې، څارنې او ارزونې یا اړوندو څانګو اضافي زده‌کړې یا روزنه امتیاز ګڼل کېږي.

تجربه

په لاندې یوه یا څو برخو کې مخکینۍ تجربه غوره ګڼل کېږي

روغتیایي څېړنې یا ساحوي سروې ګانې.

د کمّي یا کیفي معلوماتو راټولول.

څارنه او ارزونه.

د روغتیایي مرکزونو ارزونې.

د کورنیو یا ټولنو سروې ګانې.

له ناروغانو، پالونکو، د ټولنې له غړو یا روغتیایي کارکوونکو سره مرکې.

د برېښنایي معلوماتو راټولولو سیستمونه، لکه KoboToolbox، ODK، SurveyCTO یا ورته پلاتفورمونه کارول.

د څېړنې یا معلوماتو راټولولو مخکینۍ تجربه امتیاز دی، خو په روزنه کې د ګډون لپاره حتمي شرط نه دی. هغه غوښتونکي هم په پام کې نیول کېدای شي چې پیاوړی روغتیایي شالید، د اړیکو ښه مهارتونه او په څېړنه کې څرګنده لېوالتیا لري.

مهارتونه او وړتیاوې

غوښتونکي باید لاندې وړتیاوې وښيي

د اړیکو او خپلمنځي چلند ښه مهارتونه.

له بېلابېلو ټولنیزو ډلو سره په درناوي د خبرو کولو وړتیا.

جزیاتو ته جدي پاملرنه.

له څېړنې او د شواهدو له رامنځته کولو سره لېوالتیا.

د څېړنې د پروتوکولونو او لارښوونو د تعقیب وړتیا.

د معلوماتو دقیق او رښتیني راټولولو ته ژمنتیا.

محرمیت او د څېړنې اخلاقو ته درناوی.

په خپلواکه توګه او د څېړنیز ټیم د غړي په توګه د کار وړتیا.

د تنظیم او وخت مدیریت ښه مهارتونه.

په ټولګي او عملي روزنیزو فعالیتونو کې د بشپړ ګډون لېوالتیا.

که وروسته د څېړنیزې دندې لپاره غوره شي، د ساحوي کار د ترسره کولو وړتیا او چمتووالی.

د ژبې شرایط

په پښتو او/یا دري ژبه ښه تسلط اړین دی.

په دواړو ملي ژبو د اړیکو وړتیا امتیاز ګڼل کېږي.

د انګلیسي ژبې بنسټیز مهارتونه اضافي امتیاز ګڼل کېږي.

لېوال غوښتونکي باید لاندې موارد وسپاري

تازه شوی CV..

یو مل لیک چې په لنډ ډول پکې څرګنده کړي ولې له څېړنې، سروې، څارنې، ارزونې یا د معلوماتو له راټولولو سره لېوالتیا لري.

د وړاندیز شوې روزنې په موده کې د ګډون لپاره د شتون معلومات.

دغه برېښنالیک ته: [email protected]

مهمه یادونه

د دې اعلان موخه د څېړنې او معلوماتو راټولولو د احتمالي کارکوونکو پېژندل او روزل دي. د روزنې لپاره غوره کېدل او په هغې کې ګډون د استخدام اړیکه نه رامنځته کوي او په راتلونکي کې د استخدام یا دندې ته د ګومارنې ضمانت نه کوي.

هر ډول راتلونکی د معلوماتو راټولولو کار به د اړوندې څېړنې یا ارزونې دندې په اړتیاوو، په روزنه کې د قناعت وړ فعالیت، شتون، جغرافیایي شرایطو، جنسیتي ملاحظاتو او جلا ټاکنیزې او قراردادي پروسې پورې تړلی وي.